ویب ڈیسک: ملک بھر میں رواں سال 2024ء کے چوتھے اور آخری سپر مون کا نظارہ کیا گیا۔
تفصیلات کے مطابق ماہرِ فلکیات ڈاکٹر جاوید اقبال کا کہنا ہے کہ پاکستان میں سپرمون رات 2 بج کر28 منٹ پرعروج پرپہنچا تھا ، یہ رواں سال کا چوتھا اورآخری سپرمون ہے، زمین سے 2 لاکھ میل سے زیادہ دوری پرموجود ہے۔
ماہر فلکیات کے مطابق سُپر مون اس وقت ہوتا ہے، جب چاند اپنے مدار میں زمین کے قریب ترین فاصلے پر آ جاتا ہے، سُپر مون کے دوران زمین اور چاند کے درمیان کا فاصلہ کم ہو جاتا ہے۔
اس سے قبل 19 اگست، 18 ستمبر اور 17 اکتوبر کو سپر مون نظر آیا تھا، سپرمون معمول کے چاند سے 14 فیصد بڑا، 30 فیصد زیادہ روشن تھا، عام چاند کی نسبت زمین سے زیادہ قریب ہوتا ہے۔