ویب ڈیسک:چئیرمین پاکستان کرکٹ بورڈ محسن نقوی کی انگلینڈ و ویلز کرکٹ بورڈ کے چیئرمین رچرڈ تھامسن سے ملاقات لندن میں ملاقات ہوئی، رچرڈ تھامسن نے چیمپئنز ٹرافی کے لئے نیک خواہشات کا اظہار کیا۔
ملاقات میں چئیرمین ای سی بی رچرڈ تھامسن کا چیمپئنز ٹرافی ٹورنامنٹ کے سلسلے میں چئیرمین محسن نقوی اور پی سی بی کے لئے نیک خواہشات کااظہار کیا، رچرڈ تھامسن کا کہناتھاکہ انگلینڈ کا حالیہ دورہ پاکستان انتہائی شاندار رہا ، اس موقع پر چیئر مین ای سی بی کا کہنا تھا کہ چیمپئنز ٹرافی ٹورنامنٹ کے لئے ہماری نیک تمنائیں پاکستان کے ساتھ ہیں۔
چیئرمین پی سی بی محسن نقوی نے کہاکہ پاکستان آئی سی سی چیمپئنز ٹرافی ٹورنامنٹ کے لئے تیار ہے، سٹیڈیمز کو جدید انداز میں اپ گریڈ بھی کیا جا رہا ہے۔
چیئرمین پی سی بی کا کہناتھا کہ چیمپئنز ٹرافی ٹورنامنٹ کے لئے ہر سطح پر فول پروف انتظامات کیے جا رہے ہیں اور مہمان ٹیموں کو سٹیٹ گیسٹ کا پروٹوکول دیا جائے گا، چئیرمین انگلینڈ و ویلز کرکٹ بورڈ رچرڈ تھامسن نے حالیہ دورہ کے دوران شاندار مہمانداری پر چئیرمین پی سی بی محسن نقوی کا شکریہ ادا کیا۔