کرپٹ سیاستدان مرجائیں، کرینہ کپور کے دانت بڑے ہیں

کراچی ( ویب ڈیسک ) پاکستان کی مایہ ناز اداکارہ نوشین شاہ نے کہا ہے کہ جنرل پرویز مشرف کے پاس دو عہدے رہے انہوں نے اس ملک کی بہت خدمت کی ہے ،ایک جج صاحب نے کہا تھا کہ مشرف صاحب کو سرعام پھانسی دینی چاہیے تو میں نے کہا تھا کہ پھر زرداری ، نواز شریف، شہباز شریف، مریم نواز ، بینظیر صاحبہ کو تو اللہ جنت نصیب کرے، بلاول بھٹو ، الطاف حسین اور عمران خان سب کو ایک ساتھ پھانسی دے دیں، کیونکہ جنرل پرویز مشرف نے اس ملک کیلئے بہت کچھ دیا ہے۔ سوشل میڈیا کے مشہور پروگرام ٹی بی ایچ میں تابش ہاشمی کو ایک انٹرویو میں نوشین شاہ نے کہا کہ فواد چوہدری کو اچھا ، صاف ستھرا کھانا کھانا چاہئے، اتنے نوجوان ہیں اور کوئی بیماری بھی نہ ہو کیونکہ انہوں نے کبھی ایسا کوئی بیان نہیں دیا تو اس کا مطلب یہ ہے کہ کچھ تو ٹھونستے ہیں، اچھا کھانا کھائیں تاکہ آپ کی جسمانی شیپ ذرا اچھی ہو جائے، سیاستدان کو یہ کہو کہ کم کھاؤ تو وہ دوسرا کھانا سمجھ لیتے ہیں، کرپشن کرنے والے سیاستدانوں کے بارے میں انہوں نے کہا کہ میں سیاستدانوں کو کہوں گی کہ شرم کھائیں، حیا کھائیں اور مر جائیں۔ انہوں نے کہا کہ فردوس عاشق اعوان کو کم میک اپ کرنا چاہئے، عمران خان صاحب درست حکمت عملی کے تحت چل رہے ہیں، جیسے ہیں ویسے ہی رہیں، وہ بالکل ٹھیک کر رہے ہیں، 250 دن کی گندگی آپ ایک دن میں کم نہیں کر سکتے۔ نوشین شاہ نے کہا کہ اسلام آباد میں ایک شادی میں تھی تو ایک آنٹی آئیں اور انہوں نے کہا کہ بیٹا آپ ٹی وی پر زیادہ اچھی لگتی ہیں،مجھے اچھا نہیں لگتا جب آپ کا دوسرے اداکاروں کے ساتھ تقابل کیا جاتا ہے، وہ تعریف کم اور بے عزتی زیادہ ہوتی ہے، مجھے کرینہ کپور کے ساتھ ملایا جاتا ہے اور اس پر میرا بھی ردعمل عجیب ہی ہوتا ہے، جب تابش ہاشمی نے کہا کہ ویسے آپ کی شکل تھوڑا سی کرینہ کپور سے ملتی ہے تو نوشین شاہ نے مذاقاً کہا کہ نہیں اس کے بہت بڑے دانت ہیں۔