(ویب ڈیسک ) وزارت خارجہ میں بڑی تبدیلیاں ہوگئیں جبکہ مزید تبدیلیوں کا بھی انتظار کیا جا رہا ہے۔
سفارتی ذرائع کا کہنا ہے کہ قطر کے لئے نئے ہاکستانی سفیر جنرل محمد عامر (ر) دوحہ پہنچ گئے، قطر سے واپس لوٹنے والے ڈاکٹر محمد اعجاز بیلا روس میں بطور سفیر جانے کی تیاری میں مصروف ہیں۔
سفارتی ذرائع کے مطابق محمد سلیم خان 29 دسمبر کو بطور ہائی کمشنر کینیڈا پہنچیں گے، ظہیر اسلم جنجوعہ کی ریٹائرمنٹ پر فی الوقت کینیڈا میں پاکستانی ہائی کمشنر نہیں ہے۔
سفارتی ذرائع کا کہنا ہے کہ موجودہ ترجمان ممتاز زیرا بلوچ جلد ہی فرانس میں بطور سفیر ذمہ داریاں سنبھالیں گی، فرانس میں سفیر عاصم افتخار گذشتہ روز نیویارک پہنچ گئے۔نبیل منیر جنوبی کوریا میں اپنی مدت پوری کر کے وطن واپس آ رہے ہیں، ابھی تک سئیول کے لیے نئے سفیر کی نامزدگی نہیں ہوئی۔
سفارتی ذرائع کے مطابق حکومت کو اہم دارالحکومتوں میں سفیروں کی نامزدگی کرنا ہے، نیدرلینڈ میں سفیر سلجوق مستنصر تارڑ کی جگہ نیا سفیر لگانا ہے، سلجوق مستنصر تارڑ کی جکارتہ میں بطور نیا سفیر نامزدگی ہوئی تھی، سلجوق تارڑ کی عدم دستیابی پر انڈوبیشیا میں نیا سفیر نامزد کرنا ہے۔
سفارتی ذرائع کا کہنا ہے کہ حکومت نے ابھی جنوبی افریقہ میں نیا ہائی کمشنر بھی تعینات کرنا ہے، سینیئر سفارت کار فاروق ملک کویت کے بعد جنوبی افریقہ جانے میں دلچسپی نہیں رکھتے۔ سمیع الرحمن کو مراکش سے پولینڈ بھجنے کی تجویز زیر غور ہے۔