ویب ڈیسک: متحدہ عرب امارات میں 2026 کے دوران عیدالفطر اور عیدالاضحیٰ کی تعطیلات متوقع طور پر سب سے طویل اور اہم سرکاری چھٹیوں میں شامل ہوں گی۔
یو اے ای کے سرکاری تعطیلات کے قانون کے مطابق 2026 میں کم از کم 12 سرکاری تعطیلات ہوں گی، جن میں سب سے زیادہ دن عیدالفطر اور عیدالاضحیٰ کے حصے میں آئیں گے۔ تاہم، قانون کے تحت تعطیلات کو ہفتے کے آغاز یا اختتام سے جوڑنے کی سہولت عیدالفطر اور عیدالاضحیٰ پر لاگو نہیں ہوتی۔
عیدالفطر 2026 کی متوقع تاریخ:
فلکیاتی حسابات کے مطابق عیدالفطر 2026 کا آغاز جمعہ، 20 مارچ کو ہونے کا امکان ہے۔ اس حساب سے 20 مارچ (جمعہ)، 21 مارچ (ہفتہ)، اور 22 مارچ (اتوار) عیدالفطر کی تعطیلات متوقع ہیں، جس سے تین روزہ طویل ویک اینڈ بن سکتا ہے۔
عیدالاضحیٰ 2026 کی متوقع تاریخ:
عیدالاضحیٰ کا آغاز یومِ عرفہ سے ہوتا ہے، جو 9 ذوالحجہ کو منایا جاتا ہے۔ اگر موجودہ پیشگوئیاں درست ثابت ہوئیں تو یومِ عرفہ منگل، 26 مئی کو ہوگا، اور عیدالاضحیٰ بدھ، 27 مئی سے شروع ہو کر جمعرات، 28 مئی اور جمعہ، 29 مئی تک منائی جائے گی۔ اس طرح عیدالاضحیٰ کی چار روزہ تعطیلات ویک اینڈ کے ساتھ مل کر چھ روزہ طویل وقفے میں تبدیل ہو سکتی ہیں۔
عید الاتحاد (قومی دن) 2026:
عید الاتحاد، جو کہ یو اے ای کا قومی دن ہے، 2 اور 3 دسمبر کو منایا جاتا ہے۔ 2026 میں یہ دن بدھ اور جمعرات کو آئیں گے، اور اضافی چھٹی کا امکان بھی ہو سکتا ہے۔ تاہم، حالیہ رجحانات کے مطابق جمعہ، 4 دسمبر کو سرکاری اداروں میں ریموٹ ورک ہوگا، جبکہ نجی شعبہ معمول کے مطابق کام کرے گا۔
حتمی تاریخوں کا اعلان چاند دیکھنے اور حکومتی تصدیق کے بعد کیا جائے گا۔