ویب ڈیسک: ایران کے صدر مسعود پزشکیان نے امریکی صدر ڈونلڈ ٹرمپ کا نام لیے بغیر سوشل میڈیا پر ساڑھے چار ہزار سال پرانے "سرو" درخت کی تصویر شیئر کی۔
صدر پزشکیان نے ایکس پر پوسٹ میں لکھا کہ یہ درخت ساڑھے چار ہزار سال پرانا ہے اور ایشیا کا قدیم ترین جاندار ہے، جو اس زمین پر اس وقت بھی موجود تھا جب یہ ایران کے نام سے جانی جاتی تھی۔
Asia's oldest living organism, the ancient Abarkuh cypress tree - at least 4500 years old - is rooted in land that was already known as Iran at the time. pic.twitter.com/6lvL9NIEOj
— Masoud Pezeshkian (@drpezeshkian) May 16, 2026
یہ پوسٹ اس وقت سامنے آئی جب امریکی صدر کے دورہ چین کے دوران چینی صدر شی جن پنگ نے ڈونلڈ ٹرمپ کو چین کے انتہائی خفیہ اور نایاب حکومتی باغ کا دورہ کروایا تھا، جہاں 490 سال سے زیادہ قدیم درخت دکھائے گئے تھے۔ صدر ٹرمپ نے اس ماحول کو سراہا تھا۔
صدر پزشکیان کی پوسٹ کے بعد سوشل میڈیا صارفین نے مختلف تبصرے کیے، جن میں کہا گیا کہ ایرانی صدر نے یہ تصویر اس لیے شیئر کی کیونکہ صدر ٹرمپ نے ایران کی تہذیب کو نقصان پہنچانے کی دھمکی دی تھی۔