افغانستان کرکٹ بورڈ نے پاکستان کے خلاف سیریز میں شائقین کے لیے اسٹیڈیم میں انٹری فری کردی ہے۔ پاکستان اور افغانستان کے درمیان ون ڈے سیریز میں شائقین کے لیے اچھی خبر ہے۔ افغانستان کرکٹ بورڈ کی جانب سے پاکستان کے خلاف سیریز میں شائقین کے لیے اسٹیڈیم میں انٹری فری کردی گئی ہے ۔تینوں ون ڈے میچز میں فینز بغیر پیسے دیے میچ دیکھ سکیں گے۔ خیال رہے کہ پاکستان اور افغانستان کے درمیان تین ایک روزہ میچز کی سیریز کا پہلا میچ 22 اگست کو کھیلا جائے گا۔ پہلے دو میچز ہمبنٹوٹا اور آخری میچ کولمبو میں کھیلا جائے گا۔افغانستان اور پاکستان کے درمیان سیریز کی میزبانی افغانستان کے پاس ہے۔