ویب ڈیسک: انسپکٹر جنرل فرنٹیئر کور بلوچستان (ساؤتھ) میجرجنرل بلال سرفراز خان نے یونیورسٹی آف تربت کا دورہ کیا۔ اس موقع پر انہوں نے یونیورسٹی کے وائس چانسلر ڈاکٹر گل حسن اور دیگر فیکلٹی ممبران سے ملاقات کی۔
تقریب میں فیکلٹی ممبران بھی موجود تھےـ اس ملاقات کے دوران یونیورسٹی کے مختلف امور پر تبادلہ خیال کیا۔ فیکلٹی ممبران نے آئی جی ایف سی کو یونیورسٹی کے تدریسی عمل اور نظام پر بریفنگ دی۔
آئی جی ایف سی نے تعلیم کے فروغ میں یونیورسٹی آف تربت کے کردار کو خراج تحسین پیش کیا۔
آئی جی ایف سی نے یونیورسٹی کے مختلف ڈیپارٹمنٹس کا دورہ کیا، تعلیمی شعبوں میں جاری سرگرمیوں، فیکلٹی کے کام اور کارکردگی کو سراہااور اکیڈمک بلاک کے لیے سولرائزیشن اور ملٹی پرپز ہال کے لیے فرنیچر کی فراہمی کا اعلان بھی کیا۔
آئی جی ایف سی نے ملاقات کے دوران یونیورسٹی کے فیکلٹی ممبران کے سوالات کے جوابات دیے اور بلوچستان میں محفوظ اور پرامن ماحول کے قیام کے لیے ایف سی بلوچستان(ساؤتھ) کی وسیع کوششوں کو اجاگر کیا۔