ویب ڈیسک: پنجاب حکومت نے تصدیق کی ہے کہ ماہ رمضان کےد وران صوبہ بھر میں تھیٹر بند رکھے جائیں گے۔
پنجاب آرٹس کونسل کی جانب سے جاری کردہ سرکاری نوٹیفکیشن کے مطابق تھیٹر مالکان، لائسنس ہولڈرز اور پروڈیوسرز کو رمضان کے مقدس مہینے کے دوران اس فیصلے کی مکمل تعمیل کرنا ہوگی۔
حکام نے خبردار کیا ہے کہ ہدایت کی خلاف ورزی کرنے والوں کے خلاف سخت کارروائی کی جائے گی۔ ضلعی انتظامیہ رمضان کے دوران کھلے تھیٹروں کے خلاف تادیبی کارروائی شروع کرے گی۔
یہ ہدایت اس مقصد کے تحت جاری کی گئی ہے کہ پاکستان بھر میں رمضان کے مقدس مہینے کی روح اور مذہبی احترام کو یقینی بنایا جا سکے، جو عقیدت اور معاشرتی ضبط کے ساتھ منایا جاتا ہے۔
حکام نے تھیٹر انتظامیہ کو ہدایت کی ہے کہ وہ مکمل تعاون کریں تاکہ کسی بھی جرمانے یا نفاذی کارروائی سے بچا جا سکے۔