ویب ڈیسک: وزیراعلیٰ پنجاب مریم نواز کے صاحبزادے جنید صفدر کی مہندی کی تقریب کی دلکش تصاویر سوشل میڈیا پر تیزی سے وائرل ہو رہی ہیں۔
دلہا جنید صفدر اور دلہن کی تصاویر کے بعد اس خوشی کے موقع پر وزیراعلیٰ پنجاب مریم نواز کی تصاویر بھی سامنے آئی ہیں، جس نے خاصی توجہ حاصل کی ہے۔ اس تصویر میں مریم نواز کو روایتی لباس میں دیکھا جا سکتا ہے۔
تقریب کے دوران لی گئی تصویر میں انہوں نے سنہری اور زرد رنگ کے امتزاج پر مشتمل بھاری اور نفیس لباس زیب تن کیا ہوا ہے، جو مشرقی ثقافت اور شادی کی روایات کی عکاسی کرتا ہے۔
ان کے لباس پر باریک گوٹے اور خوبصورت کڑھائی نمایاں ہے، جبکہ دوپٹہ سر پر بڑے شوق و خلوص سے اوڑھا ہوا ہے جس کے کناروں پر شوخ رنگوں کی کڑھائی دیکھی جا سکتی ہے۔
ہماری شہزادی وزیراعلی ❤️
— M Aslam virk pmln Lahore (@MAslam85598259) January 17, 2026
Super cm panjab Maryam Nawaz Sharif pic.twitter.com/eHiJhHzChL
مریم نواز کا یہ لباس مہندی کی رنگینیوں کے ساتھ میل کھاتا ہے اور سادگی و وقار کے ساتھ ایک شاہانہ انداز بھی پیش کرتا ہے۔ زیورات کے انتخاب میں بھی روایتی حسن کو ترجیح دی گئی ہے۔
MashAllah so cute lovely beautiful CM Punjab Madam Maryam nawaz shreef ❤️ pic.twitter.com/eusC4PJjLX
— Irshad Ahmad (@IrshadA57688060) January 17, 2026
اگرچہ یہ شادی کی تقریبات نجی نوعیت کی ہیں، مگر سوشل میڈیا پر ان کی تصاویر نے عوامی دلچسپی میں اضافہ کیا ہے اور صارفین نے مریم نواز کے لباس اور انداز کی تعریف کی ہے۔