سعودی عرب میں ذی الحج کا چاند نظر آگیا۔ غیر ملکی خبر رساں ادارے کے مطابق سعودی عرب میں ذوالحج کا چاند نظر آ گیا ہے جس کے مطابق یوم عرفہ 27 جون کو ہو گا اور عید الاضحیٰ 28 جون کو منائی جائے گی۔ خیال رہے کہ سعودی حکومت نے 2 روز قبل عوام سے چاند دیکھنے کی اپیل بھی کی تھی۔ ذوالحج اسلامک کلینڈر کا آخری اور اہم تیرن مہینہ ہوتا ہے ، جس میں دنیا بھر سے لاکھوں مسلمان حج کی سعادت حاصل کرنے کیلئے سعودی عرب پہنچتے ہیں اور پھر میدان عرفان میں جمع ہوتے ہیں جہاں نبی کریم ﷺ نے خطبہ حجۃ الوداع دیا تھا۔ حج کے ارکان سے فارغ ہونے کے بعد مسلمان حضرت ابراہیم اور حضرت اسماعیل علیہ السلام کی پیروی کرتے ہوئے جانوروں کی قربانی کرتے ہیں۔