(ویب ڈیسک ) ایک تازہ سروے کے مطابق، برطانیہ کے 55 فیصد شہری اسرائیل کی غزہ میں کارروائیوں کی مخالفت کرتے ہیں، جبکہ صرف 15 فیصد افراد ان کی حمایت کرتے ہیں۔
غیر ملکی خبر ایجنسی کے مطابق یہ سروے "ایکشن فار ہیومینٹی" نامی فلاحی ادارے نے "انٹرنیشنل سینٹر فار جسٹس فار فلسطینیان" کے تعاون سے کرایا، اور اسے مشہور ادارے YouGov نے انجام دیا۔
سروے کے اہم نکات:
جو افراد اسرائیل کی کارروائیوں کی مخالفت کرتے ہیں، ان میں سے 82 فیصد کا ماننا ہے کہ یہ کارروائیاں نسل کشی (genocide) کے زمرے میں آتی ہیں۔
- اس کا مطلب ہے کہ برطانیہ کے 45 فیصد بالغ شہری اسرائیل کی کارروائیوں کو نسل کشی سمجھتے ہیں۔
- لیبر پارٹی کے ووٹرز میں یہ شرح اور بھی زیادہ ہے، 59 فیصد افراد سمجھتے ہیں کہ اسرائیل غزہ میں نسل کشی کر رہا ہے۔
- 65 فیصد برطانوی عوام اس بات کے حامی ہیں کہ برطانیہ، اسرائیلی وزیر اعظم بن یامین نیتن یاہو کے خلاف انٹرنیشنل کریمنل کورٹ (ICC) کے گرفتاری وارنٹ پر عمل کرے۔