ویب ڈیسک: خالد مشعل کو یحیٰی سنوار کی جگہ حماس کا سربراہ مقرر کردیا گیا ہے۔ جماعت اسلامی کی جانب سے اعلان کے بعدحماس کے چوتھے سربراہ یحیٰی سنوار کی شہادت پر ملک بھر میں غائبانہ نماز جنازہ ادا کی گئی۔
تفصیلات کے مطابق جماعت اسلامی کے ہیڈ آفس منصورہ لاہور میں نماز جمعہ کے بعد غائبانہ نماز جنازہ ادا کی گئی۔ سیکرٹری جنرل جماعت اسلامی امیر العظیم منصورہ میں اجتماع سے خطاب کیا۔
یاد رہے کہ حماس کے چوتھے سربراہ یحیٰی سنوار گذشتہ شب اسرائیلی حملے میں شہید ہوئے تھے۔
حافظ نعیم الرحمان کا بیان:
امیرجماعت اسلامی حافظ نعیم الرحمان نے اپنے بیان میں کہا ہے کہ خدا کے راستے میں باطل کے خلاف قیام کرنے والی ایک اور روح اپنے مقصد میں سرخرو ہوگئی۔ حماس کے سربراہ یحیٰی سنوار نے بھی ناجائز اسرائیلی ریاست کے خلاف لڑتے ہوئے جام شہادت نوش کیا۔
حافظ نعیم الرحمان کا کہنا تھا کہ شیخ احمد یٰسین، عبدالعزیز رنتیسی اور اسماعیل ہنیہ کے بعد حماس کے شہید ہونے والے چوتھے سربراہ ہیں۔ اسرائیل اور اس کے سرپرستوں کو یاد رکھنا چاہیے کہ شہادتوں کا یہ سفر اہل غزہ کو منزل سے قریب تر کررہا ہے۔ ان شہداء کی عظیم قربانیوں سے ان شاء اللہ القدس آزاد ہوگا۔