ویب ڈیسک: بالی ووڈ کے معروف اداکار شاہ رخ خان کی ممبئی میں واقع رہائش گاہ ’ منت‘ سے 2 سانپ برآمد کرلیے گئے۔
بھارتی میڈیا کے مطابق ممبئی کے علاقے بینڈ اسٹینڈ میں واقع ’ منت‘ کے لان میں 2 سانپ دیکھے گئے، جس کی اطلاع ملنے پر سانپ پکڑنے والے ماہر وکی دوبے کو رات 8 بجے طلب کیا گیا۔
ریسکیو ٹیم نے کارروائی کے دوران ایک سانپ کو سیڑھی کے نیچے سے پکڑ لیا، جبکہ دوسرا سانپ پھسل کر گھر کے اندر داخل ہوگیا۔ بعد ازاں دوسرے سانپ کو بھی تلاش کرکے قابو کرلیا گیا۔
શાહરૂખના ઘરમાંથી નીકળ્યો 8 ફૂટ લાંબો સાપ! હજુ એક સાપની શોધખોળ ચાલુ | SRK Mannat Snake Rescue
— Mumbai Samachar Official (@Samachar_Mumbai) August 18, 2026
બોલિવૂડ સુપરસ્ટાર શાહરૂખ ખાનના બાંદ્રા સ્થિત બંગલા 'મન્નત'ના પરિસરમાં બે સાપ દેખાતા વન વિભાગ દ્વારા રેસ્ક્યુ કામગીરી હાથ ધરાઈ. ૮ ફૂટ લાંબા બિન-ઝેરી ધામણ સાપનું સુરક્ષિત રેસ્ક્યુ કરાયું,… pic.twitter.com/ks4XRNPqhV
رپورٹ کے مطابق ایک سانپ کی شناخت تقریباً 8 فٹ لمبے انڈین ریٹ اسنیک کے طور پر ہوئی، جو زہریلا نہیں ہوتا۔ دونوں سانپوں کو رہائشی علاقے سے دور لے جاکر ان کے قدرتی مسکن میں چھوڑ دیا گیا۔ سانپوں کے غیر زہریلے ہونے کی تصدیق کے بعد ’ منت‘ کے سیکیورٹی گارڈز اور عملے نے اطمینان کا اظہار کیا۔
ممبئی کے بینڈ اسٹینڈ میں واقع ’ منت‘ شاہ رخ خان کی رہائش گاہ ہونے کے باعث دنیا بھر میں مشہور ہے۔