ویب ڈیسک: میٹا کے چیف ایگزیکٹو آفیسر مارک زکربرگ کی ایک ویڈیو منظرِ عام پر آئی، جس میں وہ یو ایف سی کے معروف بینٹم ویٹ فائٹر میرب ڈیولیشویلی کے ساتھ ٹریننگ کرتے دکھائی دے رہے ہیں۔ یہ ویڈیو انسٹاگرام، فیس بک اور دیگر سوشل میڈیا پلیٹ فارمز پر تیزی سے وائرل ہو رہی ہے۔
وائرل فوٹیج میں دیکھا جا سکتا ہے کہ مارک زکربرگ نے میرب ڈیولیشویلی کی نگرانی میں تین راؤنڈز پر مشتمل اسپرنگ سیشن میں حصہ لیا۔ ویڈیو میں زکربرگ نہ صرف اسٹرائیکس کی کوشش کرتے نظر آتے ہیں بلکہ ٹیک ڈاؤن سے بچاؤ کی مشق بھی کرتے دکھائی دیتے ہیں۔ ایک موقع پر وہ مختصر مگر کامیاب موو بھی کرتے ہیں، جس پر سوشل میڈیا صارفین کی جانب سے خوب تبصرے کیے جا رہے ہیں۔
میرب ڈیولیشویلی، جو یو ایف سی میں ’’دی مشین‘‘کے نام سے جانے جاتے ہیں، اپنے جارحانہ ریسلنگ اسٹائل اور ریکارڈ ساز ٹیک ڈاؤنز کے باعث شہرت رکھتے ہیں۔ ان کے ساتھ ایک ٹیکنالوجی کمپنی کے سربراہ کی ٹریننگ کو مداحوں نے غیر معمولی اور دلچسپ قرار دیا ہے۔
سوشل میڈیا صارفین اور کھیلوں کے تبصرہ نگاروں نے ڈیولیشویلی کی پیشہ ورانہ مہارت کی تعریف کی، جبکہ کئی افراد مارک زکربرگ کی فٹنس اور مارشل آرٹس میں سنجیدہ دلچسپی پر حیران دکھائی دیے۔ بعض صارفین نے کہا کہ ایک مصروف ٹیک ایگزیکٹو کا اس قدر سخت جسمانی ٹریننگ میں حصہ لینا قابلِ تعریف ہے۔