(ویب ڈیسک) ایبٹ آباد اسٹیڈیم میں جاری پریذیڈنٹ ٹرافی گریڈ ون میچ کے دوران قومی ٹیسٹ ٹیم کے کپتان بابر اعظم کا ایک پرجوش مداح سیکیورٹی اہلکاروں کو چکمہ دے کر اور باؤنڈری کا جنگلا پھلانگ کر میدان میں ان سے ملنے پہنچ گیا۔ اس دلچسپ واقعے کی ویڈیو سوشل میڈیا پر تیزی سے وائرل ہو رہی ہے۔
بابر اعظم پریذیڈنٹ ٹرافی میں او جی ڈی سی ایل کی نمائندگی کر رہے ہیں، جنہیں دیکھنے کے لیے اسٹیڈیم میں شائقین کی بڑی تعداد موجود تھی۔
میچ کے دوران ایک منچلا فین باؤنڈری لائن کے باہر نصب اونچے جنگلے کو عبور کرتے ہوئے براہِ راست پچ کی جانب دوڑ پڑا اور بابر اعظم کے پاس پہنچ گیا۔
A fan jumped the boundary to meet Babar Azam in Abbottabad stadium.
— Ahtasham Riaz (@ahtashamriaz22) September 25, 2026
The fan met Babar Azam, but security took him into custody shortly afterward.
Babar Azam immediately tried to help and sent a player to request his release, but security officials did not agree at that moment. pic.twitter.com/Oh4kzk8LZQ
وائرل ویڈیو میں دیکھا جا سکتا ہے کہ مداح نے بابر اعظم کے ساتھ یادگار سیلفی بنائی اور اپنے پسندیدہ اسٹار سے ملنے کی خوشی میں میدان کے اندر ہی سجدہ شکر بھی ادا کیا۔
سجدہ ادا کرنے کے بعد مداح نے باؤنڈری کی طرف واپسی کے لیے دوڑ لگائی، تاہم اسٹیڈیم میں تعینات سیکیورٹی اہلکاروں نے فوری حراست میں لے کر میدان سے باہر منتقل کر دیا۔
واضح رہے کہ بابر اعظم سے ملنے کے لیے مداحوں کی جانب سے گراؤنڈ میں داخل ہونے کا یہ کوئی پہلا واقعہ نہیں ہے، اس سے قبل پاکستان سپر لیگ اور انٹرنیشنل میچز کے دوران بھی شائقین کی جانب سے سیکیورٹی توڑ کر گراؤنڈ میں داخل ہونے کے متعدد واقعات پیش آ چکے ہیں۔