پاک بھارت ٹاکرا: بھارتی ہرشت رانا کی پاکستانی بیٹرز معاذ ، شمیل، حسن نواز سے الجھنے کی ویڈیو وائرل

پاک بھارت ٹاکرا: بھارتی ہرشت رانا کی پاکستانی بیٹرز معاذ ، شمیل، حسن نواز سے الجھنے کی ویڈیو وائرل

(ویب ڈیسک) دوحہ میں کھیلے گئے ایشیا کپ رائزنگ اسٹارز کے پاک بھارت مقابلے کے دوران میدان میں اس وقت شدید گرما گرمی دیکھنے میں آئی جب بھارتی فاسٹ باؤلر ہرشت رانا پاکستانی بلے بازوں معاذ صداقت، شمیل حسین اور حسن نواز سے الجھ پڑے، جس کی ویڈیو سوشل میڈیا پر تیزی سے وائرل ہو گئی ہے۔

سوشل میڈیا کے مختلف پلیٹ فارمز پر وائرل ہونے والی ویڈیو میں بھارتی فاسٹ باؤلر ہرشت رانا کو پاکستانی کھلاڑیوں معاذ صداقت، شمیل حسین اور حسن نواز کے ساتھ الجھتے اور جملے کستے ہوئے واضح طور پر دیکھا جا سکتا ہے۔

جب اوپنر معاذ صداقت نے ہرشت رانا کو لگاتار تین چوکے جڑے تو وہ غصے میں ان کے قریب آ کر جملے کسنے لگے، جبکہ دوسرے اوپنر شمیل حسین کے ساتھ بھی اوور ختم ہونے کے بعد ان کا تلخ جملوں کا تبادلہ ہوا۔

شائقینِ کرکٹ اور سوشل میڈیا صارفین کی جانب سے بھارتی باؤلر کے اس غیر پیشہ ورانہ اور اشتعال انگیز رویے پر شدید تنقید کی جا رہی ہے۔

دوحہ میں کھیلے گئے اس میچ میں پاکستان نے پہلے بیٹنگ کرتے ہوئے بھارت اے کے خلاف بڑا مجموعہ اسکور کیا۔

اوپنرز شمیل حسین اور معاذ صداقت نے ٹیم کو 66 رنز کا شاندار آغاز فراہم کیا، شمیل حسین 33 رنز بنا کر آیوش بدونی کا شکار بنے جبکہ معاذ صداقت نے 59 رنز کی عمدہ اننگز کھیلی۔

مڈل آرڈر میں حسن نواز نے 82 گیندوں پر 79 رنز کی شاندار باری کھیلی جس میں 5 چوکے اور 4 چھکے شامل تھے، جبکہ بھارت کی جانب سے ہرشت رانا، سوریانش شیڈگے اور وپراج نگم نے 2، 2 کھلاڑیوں کو آؤٹ کیا۔

Watch Live Public News