ویب ڈیسک: قومی ٹیم کے سابق سلیکٹر محمد یوسف نے انکشاف کیا ہے کہ انہیں بابر اعظم کے معاملے پر اختلاف کے باعث استعفیٰ دینا پڑا۔
سوشل میڈیا پلیٹ فارم ایکس پر وائرل انٹرویو میں محمد یوسف کا کہنا تھا کہ انہوں نے بطور سلیکٹر بابر اعظم کو ریسٹ دینے، فرسٹ کلاس کرکٹ کھیلنے اور اکیڈمی میں جا کر اپنی تکنیک پر کام کرنے کی تجویز دی تھی، تاہم اس پر شدید ردعمل سامنے آیا اور بیشتر لوگ ان کے خلاف ہوگئے۔
انہوں نے کہا کہ “جب میں نے بابر کو ریسٹ دینے کی بات کی تو شور مچ گیا کہ آپ بابر کو باہر کر دیں گے۔ اس صورتحال میں میں نے استعفیٰ دینے کا فیصلہ کیا۔ میرا استعفیٰ فوری طور پر قبول نہیں کیا جا رہا تھا، یہاں تک کہ مجھے تیسری بار استعفیٰ دینا پڑا۔”
مجھے بابر اعظم کی وجہ سے استعفیٰ دینا پڑا، جب میں نے بابر اعظم کو ریسٹ دینے کی بات کی تو سب میرے خلاف ہو گئے، محمد یوسف pic.twitter.com/hjS1sT8m7t
— Ans (@PakForeverIA) February 18, 2026
محمد یوسف کے مطابق بابر اعظم کی تکنیک متاثر ہو چکی ہے اور وہ گزشتہ تین برس سے مستقل رنز نہیں بنا پا رہے۔ ان کا کہنا تھا کہ کوئی بھی کھلاڑی دو تین سیریز میں آؤٹ آف فارم ہو سکتا ہے، لیکن تین سال تک کارکردگی میں تسلسل نہ ہونا تشویشناک ہے۔
انہوں نے مزید کہا کہ اگر بابر اعظم اپنی تکنیک پر کام کریں تو وہ دوبارہ مضبوط کم بیک کر سکتے ہیں۔