ویب ڈیسک: وزیر اعلیٰ پنجاب مریم نواز نے خاتون کو ہراساں کرنے والے پیٹرولنگ پولیس اہلکار کی گرفتاری کے بعد تصویر شیئر کی۔
تفصیلات کے مطابق پیٹرولنگ پولیس اہلکار کی بس میں ایک خاتون سے چھیڑ چھاڑ کرنے کا ویڈیو سوشل میڈیا پر وائرل ہونے کے بعد اُس کو گرفتار کر لیا گیا ہے۔
پولیس کے مطابق سرگودھا میں نارووال چوک مریدکے پر ہائی وے پیٹرولنگ اہلکار نے خاتون کو بس میں ہراساں کیا۔
پٹرولنگ پولیس کا ملازم یونیفارم میں خاتون سے چھیڑ چھاڑ کرتے ھوئے pic.twitter.com/9xBC2se3KK
— صحرانورد (@Aadiiroy2) October 18, 2025
وزیر اعلیٰ پنجاب مریم نواز نے گرفتاری کے بعد اہلکار کی تصویر شیئر کرتے ہوئے لکھا کہ ہراساں کرنے کے واقعات کو برداشت نہیں کیا جائے گا۔ مریم نواز نے گرفتار اہلکار کی دیگر تفصیلات بھی شیئر کی ہیں۔
واضح رہے کہ اس پورے واقعے کی ویڈیو سوشل میڈیا پر وائرل ہونے کے بعد شہریوں نے پولیس اہلکار کے خلاف قانونی کارروائی کا مطالبہ کیا تھا۔