ویب ڈیسک: پیغام رسانی کی مقبول ترین ایپلی کیشن واٹس ایپ نے اپنے کروڑوں صارفین کے لیے ایک نئی سہولت متعارف کرانے کا فیصلہ کر لیا ہے۔
سب جانتے ہیں کہ موبائل فون میں انٹرنیٹ کنکشن کے بغیر واٹس ایپ کا استعمال ممکن نہیں ہے۔ واٹس ایپ نے یہ محتاجی ختم کرنے لیے اپنے صارفین کو خوشخبری سنا دی ہے۔ اس حوالے سے کمپنی ایک اہم فیچر متعارف کرانے جا رہی ہے جس کا اعلان کر دیا گیا ہوا ہے۔
کمپنی کا کہنا ہے کہ بہت جلدی صارفین کے لیے ایسا فیچر متعارف کرایا جا رہا ہے جس صارفین کو بغیر انٹرنیٹ واٹس استعمال کرنے کی سہولت میسر آ سکے گی۔ یہی نہیں بلکہ ایک ہی وقت میں واٹس ایپ کو کئی ڈیوائسز پر بھی استعمال کیا جا سکے گا۔
Latest news about multi-device: features and limitations!You will be able to use WhatsApp on a different device, without an active Internet connection on your phone, within 2 months. Discover the latest news in this article!https://t.co/Tl0bUKbY9K
— WABetaInfo (@WABetaInfo) June 19, 2021
واٹس ایپ کے حوالے سے خصوصی طور پر نظر رکھنے والی ویب بیٹا انفو نے ٹویٹ میں بتایا ہے کہ ملٹی ڈیوائس فیچر تیاری کے مراحل میں ہے۔ یہ فیچر اگلے مہینوں میں اینڈرائیڈ اور آئی او ایس صارفین کے لیے متعارف کرایا جائے گا۔
ویب بیٹا انفو کے مطابق سربراہ واٹس ایپ ول کیتھ کارٹ اور سی ای او مارک زکر برگ نے بھی ملٹی ڈیوائس فیچر کو دو ماہ میں متعارف کرانے کی تصدیق کر دی ہے۔