ویب ڈیسک: بھارتی ٹی وی چینل اسٹار پلس کے ڈرامے 'کسوٹی زندگی کی' سے شہرت کی بلندیوں کو چھونے والی شویتا تیواری کی شادی کی کچھ تصاویر سوشل میڈیا پر گردش کررہی ہیں۔
تفصیلات کےمطابق بھارتی اداکارہ شویتا نے پہلی شادی راجا چودھری سے کی تھی جس سے ان کی بیٹی پلک ہے، ان کی تلخ علیحدگی کے بعد شویتا نے ابھینو کوہلی کو اپنا جیون ساتھی چنا، شویتا اور ابھینو 2013 میں شادی کے بندھن میں بندھے اور 2017 میں علیحدگی اختیار کر لی،ان کی علیحدگی بہت تلخیوں بھری تھی اور شویتا نے ان پر اپنی بیٹی پلک سے چھیڑ چھاڑ کرنے کا بھی الزام لگایا، دونوں اپنے بیٹے ریانش کی تحویل کے لیے آپس میں دست و گریباں تھے لیکن شویتا نے بالآخر عدالتی جنگ جیت لی۔
حال ہی میں سوشل میڈیا پر کئی تصاویر وائرل ہوئی ہیں جن میں شویتا تیواری اور آدتیہ وشال سنگھ کو نئے شادی شدہ جوڑے کے طور پر دکھایا گیا ہے،شویتا اور آدتیہ اس سے قبل بیگوسرائے میں ایک ساتھ کام کر چکے ہیں اور اسی سیزن میں خطروں کے کھلاڑی کا حصہ بھی رہ چکے ہیں، ان کا ایک قریبی رشتہ ہے،لیکن وشال شویتا کو اپنی ماں کی طرح سمجھتے ہیں۔
اس لیے سوشل میڈیا صارفین کو اس وقت دھچکا لگا جب انہوں نے شویتا اور وشال کی شادی کی تصاویر دیکھیں، ایک تصویر میں شویتا کو پہلے رسوئی رسم بھی نبھاتے ہوئے دیکھا گیا، اور دوسری میں جوڑی اپنی سول میرج کے کاغذات پر دستخط کرتی نظر آئی، مگر یہ تصاویر جعلی ہیں اور جوڑی کے فین پیجز کی جانب سے انہیں سوشل میڈیا کی زینت بنایا گیا۔
متعدد معتبر میڈیا رپورٹس کے مطابق شویتا تیواری کی ماہانہ آمدنی تقریباً 60 لاکھ بھارتی روپے ہے، اگر ہم شویتا کی سالانہ آمدنی کے بارے میں بات کریں، تو کئی معتبر رپورٹس کے مطابق، یہ تقریباً 10 کروڑ روپے ہے، اداکارہ اب بھی پروفیشنل طور پر کافی سرگرم ہیں۔