(ویب ڈیسک ) معروف ریسلر جان سینا نے کوڈی روڈز کو شکست دے کر ریسل مینیا 41 نائٹ 2 "ان ڈسپیوٹڈ ڈبلیو ڈبلیو ا چیمپئن شپ جیت لی اور 17ویں بار ورلڈ چیمپئن بن کر نیا ریکارڈ قائم کردیا۔
خیال رہے کہ یہ ریکارڈ پہلے رِک فلیئر کے پاس تھا، جنہوں نے ڈبلیو ڈبلیو ای ، ڈبلیو سی ڈبلیو اور این ڈبلیو اے میں مجموعی طور پر 21 ورلڈ ٹائٹلز جیتے تھے۔ لیکن ڈبلیو ڈبلیو ای صرف اُن کے 16 ٹائٹلز کو تسلیم کرتا ہے۔ رِک فلیئر نے اپنا آخری ورلڈ ٹائٹل 2000 میں ڈبلیو سی ڈبلیو میں جیتا تھا، اور اب 25 سال بعد جان سینا نے یہ تاریخی کارنامہ انجام دیا۔
میچ کے دوران متعدد فِنشرز، بار بار کِک آؤٹس، اور ایک حیران کن لمحہ آیا جب دی راک کی جگہ ریپر ٹریوس اسکاٹ نے مداخلت کی۔
دلچسپ بات یہ ہے کہ مداحوں نے کئی سالوں تک سینا کے ہیل (منفی کردار) بننے کا مطالبہ کیا، اور اب جب وہ واقعی ہیل بنے ہیں، لوگ اُسی کو سپورٹ کر رہے ہیں جبکہ "ہیرو" کوڈی روڈز کو بُو کیا جا رہا ہے۔
ریسل مینیا 41 نائٹ 2 نے ڈرامہ، جذبات اور ایکشن سے بھرپور لمحات فراہم کیے، خاص طور پر جان سینا کی تاریخی فتح نے اس رات کو ناقابلِ فراموش بنا دیا۔