(ویب ڈیسک) ایران کے ساتھ بڑھتی ہوئی کشیدگی کے دوران امریکا کے خام تیل کے ذخائر تیزی سے کم ہو کر گزشتہ چار دہائیوں کی کم ترین سطح پر پہنچ گئے ہیں۔
بینک آف امریکا کے جاری کردہ چارٹ کے مطابق اس وقت امریکا کے پاس خام تیل کی صرف 43 دن کی سپلائی موجود ہے، جو جولائی 1983 کے بعد سب سے کم سطح ہے۔ ماہرین اسے امریکی توانائی کے تحفظ کے لیے ایک اہم اشارہ قرار دے رہے ہیں۔
امریکی انرجی انفارمیشن ایڈمنسٹریشن (EIA) کے تازہ اعداد و شمار کے مطابق 10 جولائی تک امریکا کے کمرشل خام تیل کے ذخائر تقریباً 409.7 ملین بیرل ریکارڈ کیے گئے، جو گزشتہ پانچ برس کی اوسط کے مقابلے میں تقریباً 6 فیصد کم ہیں۔
ادھر اسٹریٹیجک پیٹرولیم ریزرو بھی 18 جولائی تک کم ہو کر 316.5 ملین بیرل رہ گیا، جو اپریل 1983 کے بعد اس ذخیرے کی سب سے کم سطح ہے۔
اعداد و شمار کے مطابق امریکا کے کمرشل اور اسٹریٹیجک ذخائر ملا کر مجموعی خام تیل کا ذخیرہ تقریباً 730.8 ملین بیرل رہ گیا ہے، جو گزشتہ چار دہائیوں کی کم ترین سطحوں میں شمار کیا جا رہا ہے۔