اسی حوالے سے عامر لیاقت حسین کی سابقہ اہلیہ سیدہ طوبیٰ انور نے اپنا ردعمل دیتے ہوئے گزشتہ روز ٹوئٹر پر یہ لکھا کہ ’اگر حکام نے عامر لیاقت کا پوسٹ مارٹم کرواناہی تھا تو ان کے انتقال کے روز ہی ایسا کرنا بہتر ہوتا ۔’ان کے انتقال کو ایک ہفتے سے زائد عرصہ گزر جانے کے بعد پوسٹ مارٹم کے لیے قبر کشائی کرنا لواحقین کے لیےانتہائی تکلیف دہ ہے‘۔ طوبیٰ انور نے لکھا کہ ’تاہم مجھے اللہ کی مر ضی پربھروسہ ہے، میرا یقین ہے کہ اللہ پاک ہمارے معاملات کا بہترین انتظام کرنے والا ہے‘۔اگر حکام نے #AamirLiaquat کا پوسٹ مارٹم کرواناہی تھاتوان کے انتقال کے دن ہی ایسا کرنا بہتر ہوتا۔ ان کے انتقال کے ایک ہفتے سے زیادہ کے بعد قبر کشائی پوسٹ مارٹم کے لیے کرنالواحقین کے لیےانتہائی تکلیف دہ ہے۔ تاہم مجھے اللہ کی مر ضی پربھروسہ ہے۔ میرا یقین ہے کہ اللہ پاک ہمارے
— Syeda Tuba Anwar (@syedatubaanwar) June 20, 2022
حال ہی میں انتقال کرجانے والے رکن قومی اسمبلی اور مشہور ٹی وی اینکر پرسن ڈاکٹر عامر لیاقت حسین کی قبر کشائی اور پوسٹ مارٹم کے فیصلے کے خلاف ان کی دوسری سابقہ اہلیہ سیدہ طوبیٰ انور کا بھی مؤقف سامنے آیا ہے۔ ایک شہری کی درخواست پر کراچی کی مقامی عدالت نے 18 جون کو عامر لیاقت کی قبرکشائی کرکے پوسٹ مارٹم کرنے کا حکم دیا تھا، جس کے تحت گزشتہ روز پولیس سرجن ڈاکٹر سمعیہ سعید کی سربراہی میں 6 رکنی ٹیم تشکیل دے دی گئی ہے۔ پولیس سرجن کے دفتر سے جاری کردہ حکم نامے میں یہ بتایا گیا ہے کہ یہ ٹیم جوڈیشل مجسٹریٹ ایسٹ کی موجودگی میں جمعرات 23 جون کو صبح 9 بجے پولیس سرجن کے دفتر سے عبداللہ شاہ غازی مزار کے احاطے میں قبرکشائی کے لیے روانہ ہوگی۔