ٹی ٹوئنٹی ورلڈکپ:بھارت نے افغانستان کو 47 رنز سےشکست دیدی

ٹی ٹوئنٹی ورلڈکپ:بھارت نے افغانستان کو 47 رنز سےشکست دیدی
کیپشن: ٹی ٹوئنٹی ورلڈکپ:بھارت نے افغانستان کو 47 رنز سےشکست دیدی

ویب ڈیسک : ٹی 20 ورلڈ کپ ،   بھارت کا سپر-8 مرحلے کا آغاز بڑی جیت کے ساتھ ۔ بھارت  نے افغانستان کو 47 رنز سے شکست دی ہے۔

تفصیلا ت کے مطابق   بھارتی جیت کے سب سے بڑے ہیرو سوریہ کمار یادو اور جسپریت بمراہ تھے۔ ایک طرف سوریہ کمار نے 53 رنز کی اہم اننگز کھیلی تو دوسری جانب بمراہ نے خطرناک  بولنگ کرتے ہوئے 3 وکٹیں حاصل کیں۔

 پہلے کھیلتے ہوئے  بھارتی ٹیم نے اسکور بورڈ پر 181 رنز بنائے تھے۔ جب افغانستان ہدف کا تعاقب کرنے آیا تو ٹیم وقفے وقفے سے وکٹیں گنواتی رہی۔ افغان ٹیم کی جانب سے عظمت اللہ عمرزئی نے سب سے زیادہ رنز بنائے جنہوں نے 20 گیندوں پر 26 رنز بنائے تاہم کوئی اور کھلاڑی بڑی شراکت نہ کر سکا۔

افغانستان کو جیت کے لیے 182 رنز کا ہدف ملا تھا۔ ٹیم کی شروعات بہت خراب رہی کیونکہ رحمان اللہ گرباز صرف 11 رنز بنانے کے بعد وکٹ کیپر رشبھ پنت کے ہاتھوں کیچ آؤٹ ہوگئے۔

 اسکور بورڈ پر 23 رنز تھے جب پہلے ابراہیم زدران اور تین گیندوں کے بعد حضرت اللہ زازئی صرف 2 رنز بنانے کے بعد آؤٹ ہوئے۔ ٹیم 23 رنز کے اندر 3 وکٹیں گنوا چکی تھی۔ اس کے بعد عظمت اللہ عمرزئی اور گلبدین نائب نے کمان سنبھالی اور مل کر ٹیم کا سکور 10 اوورز میں 66 رنز تک پہنچا دیا۔

گلبدین 11ویں اوور کی دوسری گیند پر 17 رنز بنانے کے بعد آؤٹ ہوئے۔ افغانستان ابھی اس بڑے جھٹکے سے نہیں نکلا تھا کہ صرف 4 گیندوں کے بعد عمر زئی 26 کے اسکور پر پویلین لوٹ گئے۔ نجیب اللہ زدران اور محمد نبی نے مل کر 31 رنز جوڑے لیکن مطلوبہ رن ریٹ آسمان کو چھو رہا تھا۔

افغانستان نے 15 اوورز میں 5 وکٹوں کے نقصان پر 101 رنز بنائے اور اسے آخری 30 گیندوں پر 81 رنز بنانے تھے۔ 17ویں اوور میں نبی نے تیز کھیلنے کی کوشش کی اور چھکا لگایا لیکن دوسرا چھکا لگانے کی کوشش میں وہ رویندرا جدیجا کے ہاتھوں کیچ ہو گئے۔ صورتحال ایسی تھی کہ افغانستان کو آخری 2 اوورز میں 57 رنز بنانے تھے جو تقریباً ناممکن تھا۔ آخری 2 اوورز میں صرف 9 رنز ہی آئے جس کی وجہ سے بھارت نے یہ میچ 47 رنز سے جیت لیا۔
افغانستان کے خلاف میچ میں  بھارتی ٹیم نے محمد سراج کی جگہ کلدیپ یادو کو کھلانے کا فیصلہ کیا تھا۔ اب تک سراج عالمی کپ میں 3 میچ کھیلتے ہوئے صرف ایک وکٹ حاصل کر پائے تھے۔ لیکن ان کی جگہ کھیلتے ہوئے کلدیپ یادو نے اپنے پہلے ہی میچ میں 4 اوور میں 32 رن دے کر 2 وکٹیں حاصل کیں۔ ان کے علاوہ رویندرا جدیجا اور اکشر پٹیل نے بھی اسپن بولنگ میں ایک ایک وکٹ حاصل کی۔

 بھارتی بیٹرز نے اسکور بورڈ پر 181 رنز بنائے تھے۔ ٹیم انڈیا کے  بیٹرز نے آسانی سے اس اسکور کا دفاع کیا ۔ جسپریت بمراہ نے 4 اوورز میں صرف 7 رنز دے کر 3 اہم وکٹیں حاصل کیں جن میں سے ایک میڈن تھا۔

 ارشدیپ سنگھ نے بھی تین وکٹیں حاصل کیں اور کلدیپ یادیو نے دو وکٹیں لے کر   بھارت کی فتح میں اہم کردار ادا کیا۔ اکشر پٹیل اور رویندرا جدیجا نے بھی ایک ایک وکٹ حاصل کی تاہم ہاردک پانڈیا اس میچ میں کوئی وکٹ نہیں لے سکے۔

Watch Live Public News