عمران خان کسی بھی وقت اسمبلی توڑ سکتے ہیں

سنیئر وکیل احمد رضا قصوری نے پبلک نیوز کے پروگرام ریاست اور عوام میں گفتگو کرتے ہوئے تہلکہ خیز انکشاف کر ڈالا. احمد رضا قصوری کا کہنا تھا کہ نظام نہیں چل رہا، عمران خان کسی بھی وقت اسمبلی توڑ سکتے ہیں، ایک نگران سیٹ اپ 90 روز کے لیے آئے گا، پھر عدالتوں سے اس سیٹ اپ کو 3 سال مل جائیں گے،جنہوں نے ملک لوٹا ان کو حکومت ہر گز نہیں ملے گی، بلکہ ان کا بے رحم احتساب ہوگا.

الیکشن نہیں ہوں گے، سینئر سیاست دان احمد رضا قصوری نے پروگرام میں بڑے انکشافات کر دئیے #PublicNews #RiyasatAurAwam @mariajadoon15 @AdeelJavedCh @SdqJaan @arkqasuri pic.twitter.com/A7PICuvl3F

— Public News (@PublicNews_Com) December 21, 2021

ان کا مزید کہنا تھا کہ اگر ملک اور آئین آمنے سامنے آجائیں تو ملک اور ریاست کو بچایا جاتا ہے، آئین تو مشرقی پاکستان میں بھی موجود رہا لیکن ملک دو لخت ہوگیا، جنرل باجوہ سمیت سب کی وفاداری ریاست کے ساتھ ہے،ریاست کو بچایا جائے گا، آئین کو نہیں. ادھر وزیراعظم عمران خان نے سماجی رابطے کی ویب سائٹ پر ٹویٹ کرتے ہوئے کہا کہ براہ راست منتخب تحصیل ناظم گورننس کو بہتر بنائیں گے، ایسے نظام سے مستقبل کے لیڈرز تیار ہوں گے، خیبرپختونخوا بلدیاتی الیکشن پر شور شرابہ کیا جا رہا ہے، کسی کو احساس نہیں کہ یہ انتخابات جدید اور تبدیل شدہ نظام کی شروعات ہیں، ایسا نظام کامیاب جمہوریت میں ہوتا ہے، 74 سالہ تاریخ میں پہلی بار ہمارے پاس با اختیار بلدیاتی نظام ہے۔