کوہاٹ، پشاور اور صوابی میں بھی زلزلے کے شدید جھٹکے محسوس کیے گئے ہیں ۔ اس کے علاوہ زلزلے کے جھٹکے لاہور ، راولپنڈی ، کوئٹہ میں بھی محسوس کیے گئے تھے ۔ اس کے علاوہ بہاولپور ،لودھراں، ٹوبہ ٹیک سنگھ، پارا چنار،ڈی جی خان، میانوالی، خانیوال، کرک میں بھی زلزلے کے جھٹکے محسوس کیے گئے تھے ، لکی مروت، مردان ، نوشہرہ اور باجوڑ کے گرد و نواح میں بھی زلزلے کے شدید جھٹکے محسوس کیے گئے ۔ چلاس اور اسکردو میں بھی زلزلے کے جھٹکے محسوس کیےگئے ۔ لوگ کلمہ طیبہ کا ورد کرتے ہوئے گھرو ں سے باہر آگئے۔ زلزلے کے نقصانات کے حوالے سے این ڈی ایم اے نے ابتدائی رپورٹ جاری کر دی ہے ۔Magnitude : 6.8
— Pak Met Department محکمہ موسمیات (@pmdgov) March 21, 2023
Epicentre: Hindukush Region, Afghanistan.#earthquake pic.twitter.com/YiBs5qaefF
زلزلے کے نقصانات کے حوالے سے نیشنل ڈیزاسٹر منیجمنٹ اتھارٹی ( این ڈی ایم اے) نے ابتدائی رپورٹ جاری کردی ہے۔ این ڈی ایم اے کا کہنا ہے کہ زلزلے کے بعد 3.7 کا ایک آفٹرشاک بھی آیا تھا، گلگت بلتستان کے علاقے استور میں لینڈ سلائیڈنگ کے باعث راستہ بلاک ہوگیا تھا ، اسلام آباد کے علاقے ایچ الیون میں خداداد ہائٹس بلڈنگ کو نقصان پہنچا، خیبرپختونخوا میں زلزلے کے باعث 2 افراد جاں بحق ہوئے، خیبرپختونخوا کے مختلف مقامات پر66 افراد زخمی ہوئے، صوابی میں گھرکی چھت گرنے سے 5 افراد زخمی ہوئے، چترال میں گھر اورچھت اور دیوار گرنے سے 2 افراد زخمی ہوئے تھے ۔ پی ڈی ایم اے خیبرپختونخوا کی رپورٹ کے مطابق خیبرپختونخوا(کے پی) میں زلزلے سے ہونے والے نقصانات سے متعلق صوبائی ڈیزاسٹر منیجمنٹ اتھارٹی ( پی ڈی ایم اے) نے رپورٹ جاری کر دی ہے ۔ پی ڈی ایم اے کے مطابق خیبرپختونخوا میں زلزلے سے 19 گھروں کو جزوی نقصان پہنچا ہے ، زلزلےکے نتیجےمیں 9 افراد جاں بحق اور 44 افراد زخمی ہوئے۔ پی ڈی ایم اے کے مطابق ضلعی انتظامیہ، ریسکیو 1122 اور سول ڈیفنس کو الرٹ رہنے کی ہدایت کی گئی ہے، خیبرپختونخوا میں زلزلے کے بعد صورتحال کی مسلسل نگرانی کی جا رہی ہے۔ اسپتالوں میں الرٹ جاری وفاقی وزیر صحت عبدالقادر پٹیل کی ہدایت پر اسلام آباد کے اسپتالوں میں الرٹ جاری کردیا گیا تھا ۔ زلزلے کے شدید جھٹکوں کے پیش نظر پولی کلینک اور پمز اسپتال میں بھی الرٹ جاری کیا گیا تھا ۔ وزیر صحت کا کہنا تھا کہ اسپتال انتظامیہ کسی بھی ناگہانی صورتحال سے نمٹنے کے لئے پیشگی اقدامات کو یقینی بنائے ۔پی ڈی ایم اے اپڈیٹس
— PDMAKP OFFICIAL (@PDMAKP) March 21, 2023
خیبر پختونخوا میں زلزلے سےحادثات کےنتجے 9 افراد جابحق ہوئے ۔
۔مختلف حادثات کےنتجےمیں 44 افراد زخمی ہوئے۔
اب تک کی اطلاعات کےمطابق صوبہ بھر میں 19 گھروں کو جزوی نقصان پہنچا۔
سیکریٹری ریلیف عبدالباسط اور ڈی جی پی ڈی ایم اے ایمرجنسی آپریشن سنٹر میں موجود pic.twitter.com/LdpORywkIw