پبلک نیوز: کالعدم تنظیم تحریکِ طالبان پاکستان ( ٹی ٹی پی) نے اسلام آباد کی رہائشی خاتون سے ایک ارب روپے بھتے کا مطالبہ کیا ہے۔
تفصیلات کے مطابق کالعدم تنظیم نے اسلام آباد سیکٹر ڈی 12/2 کی رہائشی خاتون کو کال کی اور اُن سے ایک ارب روپے بھتے کا مطالبہ کیا۔
ذرائع نے بتایا کہ گولڑہ پولیس نے واقعے کا مقدمہ متاثرہ خاتون کی مدعیت میں درج کر لیا۔
مقدمے کے متن کے مطابق کالعدم تنظیم کی جانب سے کال کرنے والوں نے 2 نمبر استعمال کیے۔
ذرائع کے مطابق پہلی کال کا تعلق افغانستان اور دوسری کا تعلق ایران سے ہے، کال کرنیوالوں نے خاتون اور اسکی بیٹی کے گھر کی تصویریں بھیج کر خوفزدہ کیا۔
دوسری جانب اسلام آباد پولیس نے مقدمہ درج کر کے واقعے کی تحقیقات شروع کر دیں۔