ویب ڈیسک: سونے کے خریداروں کیلئے اچھی خبر آگئی ہے۔ جہاں سونے کی قیمت میں ہزاروں روپے کی کمی ریکارڈ کی گئی ہے۔
صرافہ بازار ایسوسی ایشن کیجانب سے جاری کردہ بیان کے مطابق صرافہ مارکیٹ میں سونے کی قیمت میں بڑی کمی ریکارڈ کی گئی ہے۔ سونے کی فی تولہ قیمت میں 4200 روپے کی کمی ہوئی ہے۔ سونا 2 لاکھ 28 ہزار 200 روپے فی تولہ ہوگیا ہے۔
اسی طرح 10 گرام سونے کی قیمت میں 3600 روپے کی کمی ریکارڈ کی گئی ہے۔ 10 گرام سونا 1 لاکھ 95 ہزار 645 روپے کا ہوگیا ہے۔
دوسری جانب عالمی مارکیٹ میں سونا 40 ڈالر کی کمی سے 2185 ڈالر فی اونس کا ہوگیا ہے۔