ویب ڈیسک :مقبول عام و خاص ’’ کیڈبری چاکلیٹ’’ 170 سالوں بعد پہلی بار شاہی قبولیت سے محروم، ملکہ الزبتھ کے پسندیدہ چاکلیٹ کو کنگ چارلس نے شاہی وارنٹ دینے سے انکار کردیا۔
یادرہے چاکلیٹ برانڈ، ’’ کیڈبری ’’ آنجہانی ملکہ الزبتھ کا پسندیدہ چاکلیٹ تھا اور ان 100 کمپنیوں میں شامل ہے جنہیں گزشتہ ہفتے عالمی سطح پر ’’ مارک آف ایکسی لینس ’’ سے نوازا گیا تھا۔
شاہی پروٹوکول کے مطابق، کیڈبری اور دیگر ناکام کمپنیوں کو خط کے ذریعے فیصلے سے آگاہ کیا گیا تھا لیکن اس کی وجہ نہیں بتائی گئی۔
یادرہے جون 2024 میں، یوکرین جنگ کے مخالفین نے بادشاہ چارلس کو خط لکھ کر ان سے کیڈبری کے ایوارڈ کو منسوخ کرنے کا مطالبہ کیا تھا کیونکہ کیڈبری کی امریکی پیرنٹ کمپنی مونڈیلیز روس میں ولادیمیر پوتن حکومت میں کام کر رہی ہے۔
B4Ukraine نے بادشاہ کو خط لکھا جس میں Bacardi، Nestlé، Unilever اور Cadbury's سمیت کمپنیوں کو ایوارڈ منسوخ کرنے کا مطالبہ کیا گیا۔ مہم چلانے والوں نے دعویٰ کیا کہ کمپنیاں ملک میں آپریشن جاری رکھ کر بالواسطہ طور پر روسی جنگی کوششوں میں حصہ ڈال رہی ہیں
یادرہے شاہی وارنٹ ان کمپنیوں کو دیا جاتا ہے جو شاہی گھرانے کو تسلسل سے فراہمی سامان یا خدمات فراہم کرتی ہیں۔ اوران کمپنیوں کو اپنی پروڈکٹس پر BY THE APPOINTMENT HIS MAJESTY لکھنے اور شاہی نشان استعمال کرنے کی اجازت ہوتی ہے۔
دوسری طرف یہ بھی ایک حقیقت کے ملکہ الزبتھ کی موت کےبعدشاہی محل میں کیڈبری کی سپلائی میں کمی آئی ہے۔ ہر کرسمس پر ملکہ کے درباریوں اور برطانوی شہریوں کو ملکہ کی جانب سے بہت پیارے’’ بورن ویل’’ کے بکس ملتے تھے۔
رائل وارنٹ آف اپوائنٹمنٹ، پانچ سال تک کے لیے دیا جاتا ہے، اور حاصل کرنے والی کمپنی کو اپنے کاروبار کے سلسلے میں رائل آرمز استعمال کرنے کی اجازت دیتا ہے۔
’’ کیڈبری’’ کو 1854 میں ملکہ وکٹوریہ نے ٹائٹل سے نوازا تھا اور اسے چھ بادشاہوں کے دور حکومت میں مسلسل رائل وارنٹ پر رکھا گیا تھا۔
لیکن اس سال وہ ہوا جو 170 سال میں کبھی نہیں ہوا تھا اور ’’ کیڈبری’’ کا نام تقریباً 400 کمپنیوں کی شاہی فہرست سے غائب تھا جنہیں شاہ چارلس کے دور میں رائل وارنٹ سے نوازا گیا ۔
میل آن سنڈے کی رپورٹ کے مطابق، کنگ چارلس نے اپنی والدہ ملکہ الزبتھ کی طرف سے جاری کردہ 386 رائل ٹائٹلز برقرار رکھے ان میں سیریل بنانے والی کمپنی کیلوگ اور موٹ شیمپین شامل ہیں۔
کنزیومر گڈز کمپنی ’’یونی لیور’’، جو مارمائٹ جیسے برانڈز کا مالک ہے، بھی وارنٹ لسٹ سے غائب ہے۔
کیڈبری اور مونڈیلز کا موقف
مونڈیلیز انٹرنیشنل کے ترجمان نے کہا: " کیڈبری ایک بہت پسند کیا جانے والا برانڈ ہے جو نسلوں سے برطانوی زندگی کا حصہ رہا ہے اور ملک کی پسندیدہ چاکلیٹ بنی ہوئی ہے۔
"اگرچہ ہم برطانیہ میں سینکڑوں دیگر کاروباروں اور برانڈز میں سے ایک ہونے پر مایوس ہیں کہ ایک نیا وارنٹ نہیں دیا گیا، ہمیں اس بات پر فخر ہے کہ اس سے پہلے ہم اس فیصلے کا احترام کرتے ہیں۔"
بکنگھم پیلس نے کہا کہ وہ مخصوص وارنٹ سے متعلق فیصلوں پر تبصرہ نہیں کرتا۔