(ویب ڈیسک ) میٹا کی جانب سے پرانے اینڈرائیڈ فونز کے لیے واٹس ایپ سپورٹ ختم کرنے کا فیصلہ کیا گیاہے۔
اگر آپ 10 سال پرانا اینڈرائیڈ فون استعمال کرتے ہیں تو بہتر ہے اسے بدل لیں کیونکہ یکم جنوری 2025 سے اس پر واٹس ایپ استعمال نہیں کیا جا سکے گا۔
ایک رپورٹ میں کہا گیا ہے کہ اینڈرائیڈ کٹ کیٹ یا اس سے پہلے کے آپریٹنگ سسٹم ورژنز پر چلنے والے اسمارٹ فونز میں یکم جنوری سے واٹس ایپ تک رسائی ممکن نہیں ہوگی۔
واٹس ایپ کی جانب سے آئے روز نئے فیچرز متعارف کرائے جاتے ہیں جو ایپل اور اینڈرائیڈ کے تازہ ترین آپریٹنگ سسٹمز سے مطابقت رکھتے ہوں۔جس کی وجہ سے کمپنی پرانے آپریٹنگ سسٹمز کے لیے سپورٹ اکثر ختم کر دیتی ہے۔
یکم جنوری سے جن پرانے اسمارٹ فونز پر واٹس ایپ استعمال کرنا ممکن نہیں ہوگا ان میں سام سنگ کا گلیکسی ایس 3، ایس نوٹ 2، گلیکسی ایس 3، گلیکسی ایس 4 منی، موٹرولا موٹو جی (فرسٹ جنریشن)، ریزر ایچ ڈی، موٹو ای 2014، ایچ ٹی سی ون ایکس، ون ایکس پلس، ڈیزائر 500 اور ڈیزائر 601 شامل ہیں۔
اسی طرح ایل جی(LG) کے آپٹیمس جی، نیکسز 4، جی 2 منی اور ایل 90 جبکہ سونی(Sony) کے ایکسپیریا زی، ایکسپیریا ایس پی، ایکسپیریا ٹی اور ایکسپیریا وی اسمارٹ فونز پر بھی واٹس ایپ استعمال نہیں کیا جا سکے گا۔
اگر آپ بھی پرانے اسمارٹ فونز کو استعمال کرتے ہیں تو اپنا واٹس ایپ ڈیٹا کسئی نئی ڈیوائس پر منتقل کر لیں ورنہ یکم جنوری کے بعد واٹس ایپ کی تمام میڈیا اور چیٹ ہسٹری ڈیلیٹ ہو جائے گی۔
خیال رہے کہ میٹا نے کچھ عرصے قبل اس طرح کا اعلان آئی فونز کیلئے بھی کیا تھا۔
جس میں کمپنی نے کہا تھا کہ پرانے آئی او ایس ورژنز پر چلنے والے آئی فونز کے لیے واٹس ایپ سپورٹ ختم کی جا رہی ہے اور مئی 2025 سے صرف آئی او ایس 15.1 پر کام کرنے والے آئی فونز پر ہی اس میسجنگ ایپ کو استعمال کرنا ممکن ہوگا۔