اسلام آباد: وفاقی وزیر اطلاعات مریم اورنگزیب کا کہنا ہے کہ آئین کی تشریح آئین کے مطابق ہوگی، کسی کی مرضی کے مطابق نہیں ہوگی، پنجاب کا منڈیٹ نواز شریف کا تھا جو واپس لیا ہے۔ لاہورمیں گورنر ہاؤس کے باہر میڈیا سے گفتگو کرتےہوئےمریم اورنگزیب کا کہنا تھا کہ پنجاب اسمبلی کے ڈپٹی اسپیکر کی رولنگ آئین اور سپریم کورٹ کے فیصلے کے مطابق ہے۔ وزیر اطلاعات کا کہنا تھا کہ عمران خان تم نے ملک کو سری لنکا بنانے کی کوشش کی، تم نے آئین توڑا ، آئین سے غداری کی، سپریم کورٹ کا فیصلہ تمہارے خلاف آیا۔ ان کا مزید کہنا تھا کہ اس شخص نے جوان بچوں کے ہاتھوں میں اسلحہ پکڑایا، یہ خانہ جنگی چاہتا ہے، اس نے مسلم لیگ (ن) کے خلاف ریاستی طاقت بھی استعمال کی۔