(ویب ڈیسک ) نوجوان باڈی بلڈر سید بلال غرشین نے ایشین چیمپین شپ میں گولڈ میڈل جیت لیا ہے۔
بلوچستان کے شہر پشین سے تعلق رکھنے والے نوجوان باڈی بلڈر سید بلال غرشی کہ مسٹر پاکستان بھی ہیں۔انہوں نے مالدیپ میں ہونے والی ایشین چیمپین شپ میں گولڈ میڈل جیت کر مسٹر ایشیا کا ٹائٹل بھی اپنے نام کر لیا ہے۔
مسٹر ایشیا بننے کے بعد سید بلال غرشین نے کہا کہ 3 دفعہ مسٹر پاکستان کا ٹائٹل جیت چکا ہوں لیکن میرا خواب تھا کہ میں مسٹر ایشیا کا میڈل جیت کر پاکستان کا سبز ہلالی پرچم اپنے کندھوں پر اٹھاؤں جو اللہ تعالیٰ نے پورا کر دیا۔
انہوں نے کہا کہ میں اللہ پاک کا لاکھ لاکھ شکر ادا کرتا ہوں جس نے مجھے مسٹر ایشیا کے ٹائٹل سے نوازا۔ پاکستان کے لئے ہر مقابلے کے لئے تیاری کروں گا اور خرچہ خود برداشت کروں گا۔