وزیرداخلہ راناثنا اللہ نے کہاہے کہ پی ٹی آئی کے چیئرمین عمران خان نے توہین عدالت کا ارتکاب کیاہے اورحکومت کسی بھی وقت ان کی گرفتاری کافیصلہ کرسکتی ہے۔ایک نجی نیوزچینل سے گفتگوکرتے ہوئے انہوں نے کہاکہ عمران خان نے خاتون جج کودھمکی دی اورلسبیلہ ہیلی کاپٹرحادثے کے شہدا کی توہین کی۔ وزیرداخلہ نے کہاکہ توہین عدالت کے بارے میں عمران خان کے معاملے کافیصلہ عدالت کرے گی۔ایک سوال کے جواب میں انہوں نے کہاکہ پی ٹی آئی کے رہنماشہبازگل نے قومی اداروں کے سربراہوں کوبدنام کرنے کے لئے سوشل میڈیاکااستعمال کیا۔انہوں نے کہاکہ حکومت فارنزک رپورٹ موصول ہونے کے بعدان کے خلاف کارروائی کرے گی۔