ویب ڈیسک : ظہیر کے ساتھ شادی ہوتے ہی اداکارہ سوناکشی کو زبردست جھٹکا، کروڑوں مالیت کا اپارٹمنٹ فروخت کرنا پڑ گیا۔
تفصیلات کے مطابق اداکارہ سوناکشی سنہا نے گزشتہ سال ستمبر میں 11 کروڑ روپے میں ایک لگزری اپارٹمنٹ خریدا تھا، جو ظہیر اقبال کے ساتھ ان کی شادی کے 2 ماہ بعد فروخت ہونے والا ہے۔
یہ گھر سوناکشی سنہا کے لیے خاص بھی تھا کیونکہ اپنے والدین کا گھر چھوڑنے کے بعد وہ اس اپارٹمنٹ میں ظہیر اقبال کے ساتھ رہنے آئی تھیں۔ اب اداکارہ نے ایک تازہ پوسٹ کے ذریعے ظہیر اقبال اور گھر کے حوالے سے اپنی خاموشی توڑی ہے۔
سوناکشی سنہا باندرہ میں اپنا لگژری اپارٹمنٹ 25 کروڑ روپے میں بیچ رہی ہیں، جہاں 23 جون کو ظہیر اقبال کے ساتھ ان کی سول میرج ہوئی تھی۔ سوناکشی سنہا کی شادی کی بہت سی یادیں اس گھر سے وابستہ ہیں۔ انہوں نے فروخت ہونے سے پہلے اپارٹمنٹ کا موازنہ ظہیر اقبال کے گھر سے کیا۔
سوناکشی سنہا نے انسٹاگرام پر ظہیر اقبال کے ساتھ اپنی کچھ تصاویر شیئر کی ہیں اور بتایا ہے کہ گھر اور شوہر ظہیر اقبال ان کے لیے زندگی میں کیا معنی رکھتے ہیں۔
سوناکشی سنہا نے انسٹاگرام پوسٹ میں لکھا کہ ‘جہاں گھر ہوتا ہے وہاں دل ہوتا ہے اور میں دنیا میں جہاں بھی رہوں میرا دل اپنے گھر ظہیر اقبال کے ساتھ رہے گا۔
سوناکشی سنہا نے اپنے طور پر باندرہ بیسٹ میں واقع 81 آریٹ کی 26ویں منزل پر ایک اپارٹمنٹ خریدا تھا۔
ٹائمز آف انڈیا نے ذرائع کے حوالے سے بتایا ہے کہ وہ اب اسے کیوں بیچ رہی ہے۔ رپورٹ کے مطابق سوناکشی سنہا نے اسی عمارت میں ایک اور اپارٹمنٹ خریدا ہے جسے ظہیر اقبال اپنی ضروریات کے مطابق تیار کر رہے ہیں۔
سوناکشی سنہا اور ظہیر اقبال اس وقت اپنی زندگی کے نئے دور سے لطف اندوز ہو رہے ہیں۔ وہ تازہ تصاویر میں رومانٹک پوز دے رہے ہیں۔ انہوں نے نیویارک کے سفر کی جھلکیاں دکھائی ہیں۔
