شہر قائد میں بڑی دہشتگردی کا منصوبہ ناکام، بھاری تعداد میں اسلحہ برآمد

کراچی میں بڑی دہشت گردی کا منصوبہ ناکام بناتے ہوئے بھاری تعداد میں اسلحہ برآمد کیا گیا ہے ۔ تفصیلات کے مطابق کراچی کے علاقے گلشن حدید لنک روڈ کے قریب زمین میں دفنایا گیا اسلحہ بھاری تعداد میں برآمد کر لیا گیا ہے جس میں 30 بور پستول ، شاٹ گن موجود ہیں ۔اس حوالے سے ایس ایس پی ملیر حسن سردار نیازی نے بتایا ہے کہ اسلحہ 6 بوریوں میں ملا ہے جس میں سے 64 شارٹ گنز ہیں ۔ ایس ایس پی ملیر کے مطابق 14 پستول 1 میٹل ڈیٹیکٹر ایک وائرلیس میٹرولا سیٹ بھی ملا ہے تاہم تفتیش کی جا رہی ہے کہ یہ اسلحہ کس کا ہے ۔ واضح رہے کہ کچھ عرصہ پہلے بھی ایس آئی یو کی کارروائی کے باعث شہر کراچی میں دہشتگردی کا بڑ امنصوبہ ناکام بنایا گیا تھا۔ اس حوالے سے حکام کا بتانا ہے کہ دہشت گردوں سے دھماکہ خیز مواد 1 ہزار ڈیٹونیٹرز، دو کوائل برآمد کئے گئے ہیں جو کہ کراچی میں دہشت گردی کے لیے استعمال کیا جانا تھا۔ حکام کا مزید کہنا تھا کہ دہشت گرد دھماکہ زبیح اللہ خیز مواد پشاور سے کراچی لایا تھا جبکہ دہشت گردوں کا ایک ساتھی پنجاب میں پہلے ہی گرفتار ہوچکا تھا ۔