ویب ڈیسک: لاہور پولیس کی چیمپئنزٹرافی میچز کے تناظر میں جوئے کے اڈوں اور آن لائن گیمبلنگ کے خلاف کارروائیاں جاری ہیں۔
ترجمان لاہور پولیس کے مطابق گزشتہ ہفتے کے دوران قمار بازی کے خلاف کارروائیوں میں 100ملزمان گرفتار کرکے21مقدمات درج کیے گئے ہیں۔گرفتار ملزمان سے داؤ پر لگی1لاکھ 85ہزار روپے سے زائد کی رقم برآمد کی گئی ہے۔
ترجمان کا کہنا تھا کہ رواں سال قمار بازی کے خلاف کارروائیوں کے دوران 613ملزمان گرفتار کرکے 157مقدمات درج کیے گئے ہیں۔ گرفتار ملزمان کے قبضے سے داؤ پر لگی 35لاکھ 36ہزارروپے سے زائد کی رقم ریکورکی گئی۔ سٹی ڈویژن میں قمار بازی کے228،کینٹ میں 170، سول لائنزمیں 34، صدرمیں 33، اقبال ٹاؤن میں 94 اور ماڈل ٹاؤن میں 54ملزمان گرفتار کیے گئے۔
سی سی پی او لاہور بلال صدیق کمیانہ کا کہنا ہے کہ جوئے کے خاتمے کیلئے بھر پور کارروائیاں جاری ہیں۔ سی سی پی او لاہور نے جوئے کے اڈوں اور آن لائن جوئے کے خلاف انٹیلی جنس بیسڈ آپریشنز کا حکم دیا گیا ہے۔
سی سی پی او نے ہدایت کی ہے کہ آن لائن گیمبلنگ کی روک تھام کیلئے جدید ٹیکنالوجی سے بھر پور مدد لی جائے۔
اپنے بیان میں سی سی پی او نے کہا ہے کہ آن لائن گیمبلنگ کی ترغیب دینے والی سوشل میڈیا اپلیکیشنزپربھی کڑی نظر رکھی جائے۔جواء ایک سماجی لعنت ہے، اس کے خاتمے کے لئے ترجیحی بنیادوں پر کارروائیاں جاری رکھی جائیں۔