ویب ڈیسک: راولپنڈی کرکٹ سٹیڈیم میں کھیلے جانے والے چیمپیئنز ٹرافی میچز کا معاملہ، میچز کے دوران مختلف اوقات میں ٹریفک کے لئے روٹ پلان جاری۔
ٹیمز کی امدورفت کے باعث آج رات 09 سے 11 بجے تک سری نگر ہائی وے، کلب روڈ اور ایکسپریس ہائی وے پر روٹ لگے گا۔
اسلام آباد ٹریفک پولیس کے مطابق روٹ کے باعث سری نگر ہائی وے اور ایکسپریس وے پر ٹریفک تعطل کا شکار رہے گی،روٹ کے باعث سری نگر ہائی وے اور ایکسپریس ہائی وے پر ٹریفک سست روی کا شکار رہے گی۔
سی ٹی او کا کہنا تھا کہ شہری دوران روٹ اسلام آباد میں سفر کے لیئے مختلف انڈر پاسز اور مرکزی شاہراہوں سے منسلک سروس روڈ کا استعمال کریں۔
کسی بھی سفری دشواری سے بچنے کے شہری 20 منٹ کا دورانیہ رکھ کر گھر سے نکلیں،ایکسپریس وے سے آنے والی ٹریفک کھنہ پل، پارک روڈ کا استعمال کریں۔
اسلام آباد ٹریفک پولیس کا کہنا تھا کہ روٹ کے دوران اسلام چوک پل اور آئی جے پی روڈ کھلے رہے گے ،بی 17، بی15، ایچ 13اور جی 13/14 سے بلیو ایریا یا ایف سکس آنے والی ٹریفک مارگلہ روڈ استعمال کرسکتی ہے۔
بلیو ایریا کی جانب سفر کے لیئے نائتھ ایونیو اور ایچ ایٹ انڈر پاس کا استعمال کیا جائے،شہریوں کی رہنمائی کے لیئے اسلام آباد ٹریفک پولیس مختلف مقامات پر موجود رہے گی۔