ویب ڈیسک: پاکستان شوبز انڈسٹری کے اداکار سعود قاسمی نے بھارتی رقاصہ اور اداکارہ نورا فتیحی سے ملاقات کی ویڈیو اہلیہ کو موصول ہونے کا قصہ سنا دیا۔
تفصیلات کےمطابق گزشتہ دنوں سوشل میڈیا پر پاکستانی اداکار و میزبان اور معروف اداکارہ جویریہ کے شوہر سعود کی ویڈیو وائرل ہوئی جو دیکھتے ہی دیکھتے سوشل میڈیا صارفین میں مقبول ہوگئی کیونکہ اس ویڈیو میں سعود کے ساتھ بھارتی رقاصہ اور اداکارہ نورا فتیحی تھیں۔
اداکارہ جویریہ سعود نے اپنے سوشل میڈیا اکاؤنٹ پر ویڈیو شیئر کی جس میں انکے شوہر سعود اور نورا فتیحی کی ملاقات کی جھلکیاں تھیں جو ڈیلاس میں نیشنل کرکٹ لیگ یو ایس اے کے فائنل میچ کے دوران ہوئی۔
حال ہی میں اداکار سعود قاسمی نے نجی چینل کے پروگرام میں شرکت کی جہاں اس ویڈیو کے بارے کھل کربات کی، سعود نے بتایا کہ نورا بھی اسی ایونٹ میں شریک تھیں اور وہاں کسی نے ان کی ویڈیو بنائی اور جویریہ کو بھیجی، جسے اہلیہ نے بعد میں سوشل میڈیا پر شیئر کیا، ویڈیو بنانے والے شخص نے یہ زیادہ مزاح کے طور پر کیا تھا تاکہ جویریہ کا ری ایکشن دیکھ سکیں۔
اداکار کا کہنا تھا کہ میں نے کئی بین الاقوامی فنکاروں کیساتھ تصاویر بنوائی ہیں لیکن اگر میں نورا فتیحی کیساتھ خود تصویر بناتا تو وہ سیلفی کی صورت میں ہوتی لیکن یہ ویڈیو چھپ کر بنائی گئی تھی اور مذاق کے طور پر جویریہ کو بھیجی گئی تھی جو وائرل ہوگئی۔