ویب ڈیسک:(محمد شکیل خان) آئی سی سی ویمنز ٹی ٹوئنٹی ورلڈکپ کے لئے میچ آفیشلز کا اعلان کر دیا گیا۔
تفصیلات کے مطابق ویمنز ٹی ٹوئنٹی ورلڈکپ میں پہلی بار میچ ریفریز اور ایمپائرز صرف خواتین ہوں گی، ٹی ٹوئنٹی ورلڈکپ کے پینل میں 10 ایمپائرز اور 3 میچ ریفری ڈیوٹی سرانجام دیں گے،شاندرے فرٹز، جی ایس لکشمی اور مشیل پیریرا میچ ریفری ہوں گی۔
آسٹریلیا کی کلیئر پولوسک 5 ویں مرتبہ ٹی ٹوئنٹی ورلڈکپ میں ایمپائرنگ کریں گی،کم کاٹن اورجیکولین ولیمز چوتھی بار ویمنز ٹی 20 ورلڈ کپ میں امپائرنگ کے فرائض نبھائیں گی،ویمنز ٹی ٹوئنٹی ورلڈکپ3 اکتوبر سے دبئی اور شارجہ میں کھیلا جائےگا،ویمنز ٹی ٹوئنٹی ورلڈکپ میں 10 ٹیموں کےدرمیان 23 میچز کھیلے جائیں گے۔
واضح رہے کہ پاکستان ویمنز کرکٹ ٹیم ورلڈ کپ میں شرکت کے لیے دبئی پہنچ گئی ہے۔