Itna glow itni khushi @HarisRauf14. Lagta hai mera time be ab aanay wala hai. pic.twitter.com/c9v41J8pnz
— Shadab Khan (@76Shadabkhan) December 24, 2022
قومی کرکٹ ٹیم کے فاسٹ بولر حارث رؤف کے نکاح پر انہیں ہنستا مسکراتا دیکھ کر کرکٹر شاداب خان بھی شادی کیلئے پرجوش ہیں ۔ گذشتہ روز فاسٹ بولر حارث رؤف اپنی کلاس فیلو مزنا مسعود ملک کے ساتھ رشتہ ازدواج میں منسلک ہوئے تھے ۔اسلام آباد کے مقامی ہوٹل میں ان کا نکاح ہوا تھا ، جس میں ان کے دوستوں اور قریبی رشتہ داروں نے شرکت کی تھی ، حارث رؤف کے نکاح کی تقریب میں پاکستانی ٹیم کے فاسٹ بولر شاہین شاہ آفریدی ، سابق کپتان شاہد آفریدی، سابق ٹیسٹ کرکٹر ریاض آفریدی ، ، لاہور قلندرز کے ہیڈ کوچ عاقب جاوید، اور سی ای او لاہور قلندرز ثمین رانا بھی شریک ہوئے تھے ۔ فاسٹ بولر کو ساتھی کھلاڑیوں کی جانب سے نکاح کی مبارکباد دینے کا سلسلہ بھی جاری ہے اور اب انہیں قومی ٹیم کے اسٹار آل راؤنڈر شاداب خان کی جانب سے بھی دلچسپ انداز میں مبارکباد دی گئی ہے ۔ ٹوئٹر پر حارث کے نکاح کی ایک ہنستی مسکراتی تصویر شیئر کرتے ہوئے شاداب کا کہنا تھا کہ ’ اتنا چکمنا اور اتنی خوشی، لگتا ہے میرا ٹائم بھی اب آنے والا ہے‘۔