عوام کیلئے سرپرائز،بجلی کے بل آدھے ہوجائیں گے

ویب ڈیسک: وزیراعلی پنجاب مریم نواز نے خوشخبری سناتے ہوئے کہا کہ 45 لاکھ صارفین کیلئے بجلی کے بل آدھے ہوجائیں گے۔

تفصیلات کے مطابق پنجاب سوشو اکنامک رجسٹری کی افتتاحی تقریب کا انعقاد کیا گیا ، وزیر اعلی پنجاب مریم نواز نے رجسٹری کاافتتاح کیا،تقریب سے خطاب کرتے ہوئے وزیراعلیٰ پنجاب نے کہا کہ پنجاب کی عوام کو رمضان پیکج ان کی دہلیزتک پہنچایا، رمضان پیکج مہم کےدوران پنجاب میں ضرورت مندوں کاڈیٹااکٹھاکیا، ڈیٹااکٹھاکرنےسےاصل حقداروں کاپتہ چلا، حقداروں کی درجہ بندی کے لئےسوشواکنامک رجسٹری ضروری ہے۔

ان کا کہنا تھا کہ پنجاب کی13کروڑآبادی ہے، آپ ڈیٹاکےمطابق فیصلےنہیں کرینگےتوٹارگٹ حاصل نہیں کر سکتے، ہمارے پاس کسانوں کابھی مکمل ڈیٹانہیں ہے، مجھےنہیں پتا13کروڑعوام میں سےکتنےلوگ ہیں جن کااپناگھرنہیں ہے۔

وزیراعلیٰ پنجاب نے کہا کہ چاہتی ہوں پنجاب حکومت کاپیسہ ضائع نہ ہوحق دارکواس کاحق ملے، اپناگھراسکیم شروع کرنے جارہےہیں ، میرے پاس ڈیٹانہیں کہ پنجاب میں کتنےلوگ بےگھرہیں، جواپنی رجسٹریشن کرائیں گےوہ اسکیم کےحق داربنیں گے۔

انھوں نے بتایا کہ 45 لاکھ صارفین کے لیے سولر سےمتعلق ہم ایک بہت بڑامنصوبہ شرو ع کرنےجارہےہیں، پنجاب کے 13کروڑلوگوں میں کافی لوگ بجلی کابل ادانہیں کرسکتے۔

وزیراعلیٰ پنجاب نے مزید کہا کہ 500یونٹ تک استعمال کرنےوالو ں کے لئےسولرپروگرام شروع کرنےجارہے ہیں ، جس سے بجلی کے بل آدھے ہوجائیں گے۔

ان کا کہنا تھا کہ ڈیٹااکٹھاکرنے کے لئےہم نے ہرپراجیکٹ اوراسکیم کے لئے ہیلپ لائن کھول دی ہیں، مریم نواز ہرمنصوبے کے لئےمستحق لوگ ہیلپ لائن کےذریعےرجسٹریشن کراسکتےہیں۔