(ویب ڈیسک ) پاکستان نے دوسرے ون ڈے میچ کے لیے پلیئنگ الیون کا اعلان کر دیا۔
تفصیلات کے مطابق قومی ٹیم میں 2 تبدیلیاں کی گئی ہیں۔ حسیب اللہ کی جگہ طیب طاہر اور محمد حسنین کی جگہ ابرار احمد کو پلیئنگ الیون میں شامل کیا گیا۔
پلیئنگ الیون میں صائم ایوب ، عبداللہ شفیق ، کامران غلام ، محمد رضوان ، سلمان علی آغا ، عرفان خان، عامر جمال، حارث رؤف اور فیصل اکرم پلیئنگ الیون میں شامل ہیں۔
واضح رہے کہ پاکستان اور زمبابوے کے درمیان دوسرا ون ڈے میچ کل کھیلا جائے گا۔
یاد رہے کہ پہلے ون ڈے میچ میں زمبابوے نے پاکستان کو ڈک ورتھ لوئس میتھڈ پر 80 رنز سے شکست دے دی تھی۔ زمبابوے نے پاکستان کو جیت کے لیے 206 رنز کا ہدف دیا تھا۔
ہدف کے تعاقب میں پاکستان کی بیٹنگ لائن لڑ کھڑا گئی، قومی ٹیم کے 6 کھلاڑی 60 رنز پر آؤٹ ہوچکے تھے۔بارش کے باعث میچ کو روکنا پڑا اور مسلسل بارش کے باعث میچ کو ختم کرنا پڑا۔
