ویب ڈیسک: پاکستان تحریک انصاف کے بانی عمران خان کی ایک ویڈیو حالیہ دنوں میں سوشل میڈیا پر تیزی سے وائرل ہوئی، جس میں انہیں داڑھی کے ساتھ دکھایا گیا تھا۔ تاہم تحقیقات کے بعد یہ واضح ہوا ہے کہ یہ ویڈیو جعلی ہے۔
پاکستان تحریک انصاف کے بانی عمران خان کی ایک ویڈیو حالیہ دنوں میں سوشل میڈیا پر تیزی سے وائرل ہوئی، جس میں انہیں داڑھی کے ساتھ دکھایا گیا تھا۔
23 اگست کو ایک ٹک ٹاک صارف نے یہ ویڈیو شیئر کی۔ ویڈیو کو 2 کروڑ 13 لاکھ سے زائد بار دیکھا گیا اور 23 لاکھ سے زیادہ لائکس ملیں۔ بعد ازاں یہی کلپ دیگر صارفین نے بھی شیئر کیا جس پر لاکھوں ویوز آئے۔
اسی دوران عمران خان کی ایک تصویر بھی وائرل ہوئی جس میں انہیں داڑھی کے ساتھ دکھایا گیا۔
حقائق جاننے کے لیے کی گئی ریورس امیج سرچ میں 23 مئی 2023 کو پی ٹی آئی کے آفیشل اکاؤنٹ پر پوسٹ کی گئی ایک تصویر سامنے آئی۔ اس تصویر میں عمران خان صاف ستھری شیو کے ساتھ سفید شلوار قمیض اور نیلے واسکٹ میں موجود ہیں۔ ان کے اردگرد وہی پولیس اہلکار بھی نظر آ رہے ہیں جو وائرل ویڈیو میں دکھائی دیتے ہیں۔
PTI Chairman @ImranKhanPTI earlier today in ATC, Islamabad: #PakistanDemandsElection pic.twitter.com/KnsWDw66lX
— PTI (@PTIofficial) May 23, 2023
مزید تلاش میں اسی تاریخ کو نجی ٹی وی کی خبر بھی ملی جس میں عمران خان کی یہی تصویر شامل تھی۔ اس خبر کے مطابق عمران خان اس دن 8 کیسز میں ضمانت پر پیش ہوئے تھے جبکہ ان کی اہلیہ بشریٰ بی بی کو بھی ضمانت ملی تھی۔ بعد ازاں نیب نے عمران خان سے 190 ملین پاؤنڈ سیٹلمنٹ کیس کے حوالے سے تحقیقات کیں۔