ویب ڈیسک: صدر ولادیمیر زیلنسکی نے کہا ہے کہ امریکہ کے ساتھ معدنیات کے معاہدے پر ابھی تک کوئی سکیورٹی ضمانتیں طے نہیں پائی ہیں۔
یوکرینی حکام کا کہنا ہے کہ یوکرین کے کچھ معدنی وسائل کو امریکہ کے ساتھ شیئر کرنے کا معاہدہ طے پا گیا ہے، اور صدر ٹرمپ کا کہنا ہے کہ انہیں توقع ہے کہ زیلنسکی اس ہفتے امریکہ آئیں گے تاکہ اس معاہدے پر دستخط کر سکیں۔
لیکن زیلنسکی نے بدھ کے روز کیف میں بات کرتے ہوئے کہا کہ وہ سکیورٹی ضمانتیں چاہتے ہیں، اور ابتدائی معاہدہ زیادہ تر ایک "فریم ورک" ہے۔
انہوں نے کہا، "میں چاہتا تھا کہ معاہدے میں یوکرین کے لیے سکیورٹی ضمانتوں کا ذکر ہو، اور یہ بہت ضروری ہے کہ یہ شامل کیا جائے۔"
یوکرین کے صدر وولوڈیمیر زیلنسکی نے زور دیا کہ ان کے لیے سب سے اہم مسئلہ یوکرین کے لیے امریکی امداد کا تسلسل ہے، ابتدائی معدنی وسائل کا معاہدہ "محض ایک آغاز، ایک فریم ورک ہے، یہ ایک بڑی کامیابی بن سکتا ہے۔"
زیلنسکی نے کہا، "کامیابی کا انحصار صدر ٹرمپ کے ساتھ ہماری بات چیت پر ہوگا۔"
انہوں نے مزید کہا کہ وہ کسی بھی مستقبل کے وسیع تر دو طرفہ معاہدے کے ساتھ یوکرین کے لیے سکیورٹی ضمانتوں کے حصول پر زور دیں گے۔
امریکا بائیڈن انتظامیہ کے دور میں یوکرین کا ایک اہم فوجی معاون رہا ہے، لیکن امریکی صدر ڈونلڈ ٹرمپ نے فراہم کی جانے والی امداد پر نظر ثانی کا عندیہ دیا ہے۔