ویب ڈیسک: آئی سی سی ٹی ٹوئنٹی ورلڈ کپ میں پاکستان اور بھارت کا میچ 9 جون کو نیو یارک میں ہوگا لیکن 11 ہزار کلو میٹر دور راولپنڈی میں موجود فینز بھی اپنے شہر کے سٹیڈیم میں اس میچ کا مزہ لیں گے۔
آئی سی سی نے پاک بھارت میچ کے دوران راولپنڈی میں کرکٹ فینز کیلئے اس میچ کو انجوائے کرنے کا خاص انتظام کیا ہے۔
انٹرنیشنل کرکٹ کونسل کے ترجمان کے مطابق 9 جون کو نساؤ کاؤنٹی پارک نیو یارک میں پاک بھارت میچ کے موقع پر پاکستان اور بھارت سمیت متعدد مقامات پر فینز پارک بنائے جائیں گے۔
آئی سی سی ترجمان کا کہنا ہے کہ پاکستان میں یہ فین پارک راولپنڈی کرکٹ سٹیڈیم میں قائم ہوگا۔ راولپنڈی کرکٹ سٹیڈیم میں قائم فین پارک میں فینز نہ صرف بڑی سکرین پر میچ انجوائے کریں گے بلکہ وہ گراؤنڈ پر آئی سی سی ایمبسیڈرز سے بھی ملاقات کرسکیں گے جبکہ اس موقع پر فینز کیلئے دیگر سرگرمیوں کا انتظام بھی کیا گیا ہے۔
آئی سی سی کے مطابق پاک بھارت میچ کے موقع پر نیویارک، برمنگھم، جوہانسبرگ، دہلی اور ٹیکساس میں بھی فین پارک ہوں گے اور ان فین پارک کو میچ سے 90 منٹ قبل تماشائیوں کیلئے کھول دیا جائے گا۔