ویب ڈیسک:کراچی کی تاجربرادری ’ائیر کراچی‘ کے نام سے نئی ایئر لائن جلد متعارف کروائے گی، کراچی پریس کلب میں حنیف گوہر نےمیڈیا ٹاک میں کہا نئی ایئرلائن کے نام سے ائیر کراچی کو ایس ای سی پی نے رجسٹرڈ کرلیا ہے۔
حنیف گوہر کا کہنا تھا کہ ایئر کراچی کے لائسنس کے لئے وفاقی حکومت کو درخواست ارسال کردی گئی ہے، ایئر کراچی کے لئے پہلے مرحلے میں تین طیارے لیز پر حاصل کیے جائیں گے۔
ایئر کراچی میں سی او کے منصب پر سدرن کمانڈر ائیر وائس مارشل عمران کو مقرر کیا گیا ہے ،ایئر کراچی میں عقیل کریم ڈھیڈی، عارف حبیب، ایس ایم تنویر، شئیر ہولڈرز ہیں۔
بشیر جان محمد ، خالد تواب، زبیر طفیل ،حمزہ تابانی بھی ایئر کراچی کے شئیر ہولڈرز ہیں،ایئر کراچی کا لائسنس چند دنوں میں حاصل ہونے کے قوی امکانات ہیں۔
حنیف گوہر کا کہناتھا کہ ایئر کراچی 5 ارب روپے کی سرمایہ کاری سے شروع کی جارہی ہے،ایئر کراچی میں فی شئیر ہولڈرز کا حصہ پانچ کروڑ روپے ہے۔