ویب ڈیسک: پاکستانی دلکش اداکارہ عائزہ خان نے بالی ووڈ کی سپرہٹ فلم 'کبھی الوداع نہ کہنا' کے آئیکونک سن کی یادیں تازہ کردیں۔
دراصل فلم کے اس سین میں رانی مکھرجی شادی کے لیے تیار ہوتے ہوئے پارلر سے بھاگ گئی تھیں کیونکہ انہیں شادی نہیں کرنی تھی لیکن اسی وقت انہیں دیو یعنی شاہ رخ خان ملتے ہیں جو ان سے کچھ دیر بات کرنے کے بعد ان کے خیالات کو بدل دیتے ہیں اور 'مایا' پھر سے رشی سے شادی کرنے کے لیے رضامند ہو جاتی ہے۔
حال ہی میں عائزہ خان نے بالی ووڈ کی دیوانی ہونے کا ایک اور ثبوت دیتے ہوئے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی جس میں وہ بے انتہا دلکش عروسی جوڑے میں ملبوس نظر آئیں۔
عائزہ خان کے فوٹو شوٹ کو دیکھ کر بالی ووڈ متوالوں کے ذہن میں 'کبھی الوداع نہ کہنا' کا آئیکونک سین منڈلانا شروع ہو گیا تھا لیکن عائزہ خان نے بھی اس کو اپنا فرض سمجھتے ہوئے کیپشن میں فلم کا نام لیے بغیر واضح اشارہ دے دیا۔
کیپشن میں عائزہ خان نے لکھا کہ 'میں اس جوڑے کے بارے میں کچھ بھی نہیں کہوں گی کیونکہ یہ سرخ رنگ میں ڈوبا لُک مجھے بے انتہا پسند آیا ہے'۔’مجھے یقین ہے کہ اس لُک کو دیکھ کر آپ کو ضرور کچھ یاد آیا ہوگا۔ ہیں نا؟ رانی مکھرجی بینچ پر شاہ رخ خان کے ساتھ بیٹھی ہوئی، بالکل صحیح سمجھے'۔
عائزہ خان نے اس پوسٹ کے ساتھ فلم کی خاص میوزک بھی لگائی اور بالی ووڈ متوالوں کے دل جیت لیے۔