(ویب ڈیسک )کرسٹیانو رونالڈو نے 950واں کیریئر گول اس وقت کیا جب ایک دن پہلے ہی لیونل میسی نے ان کا ایک ریکارڈ توڑ دیا تھا۔
کرسٹیانو رونالڈو نے ہفتے کے روز السعودی پرو لیگ کے میچ میں النصر کی جانب سے الحزم کے خلاف بریده میں کھیلتے ہوئے اپنا 950واں کیریئر گول کیا۔یہ گول النصر کی برتری کو دوگنا کرنے والا ثابت ہوا اور یہ رونالڈو کا اس سیزن کا چھٹا لیگ گول اور مجموعی طور پر ساتواں گول تھا۔
CR950 ! Cristiano Ronaldo inscrit le 950e but de sa carrière ! ????????⚽️ @ZackNaniTV pic.twitter.com/yqAVG8DWZ6
— Foot Mercato (@footmercato) October 25, 2025
پرتگالی لیجنڈ نے دسمبر 2022 میں مانچسٹر یونائیٹڈ کے ساتھ اپنا معاہدہ ختم کرنے کے بعد سعودی کلب النصر میں شمولیت اختیار کی تھی اور تب سے وہ اس ٹیم کے لیے 100 سے زائد گول کر چکے ہیں۔
رونالڈو کے کیریئر گولز کی تفصیل:
اسپورٹنگ سی پی – 5
مانچسٹر یونائیٹڈ – 145
ریال میڈرڈ – 450
یووینتوس – 101
النصر – 106
پرتگال – 143
رونالڈو کی یہ نئی کامیابی ایک دن بعد آئی جب لیونل میسی نے پرتگالی اسٹار کا یہ ریکارڈ توڑ دیا کہ وہ سب سے کم وقت میں 890 گولز تک پہنچنے والے کھلاڑی تھے۔
ارجنٹائن کے اسٹار نے انٹر میامی کی جانب سے نیشویل کے خلاف میجر لیگ سوکر (MLS) کے میچ میں دو گول کیے، جس سے ان کے کیریئر کے گولز کی تعداد 891 ہوگئی۔
مردوں کے فٹبال میں سب سے زیادہ کیریئر گولز:
کرسٹیانو رونالڈو – 950 گول
لیونل میسی – 891 گول
پیلے – 762 گول
روماریو – 756 گول
فیرنک پوشکاش – 725 گول
38 سال اور 122 دن کی عمر میں، میسی نے 890 گولز کر کے رونالڈو کو پیچھے چھوڑ دیا ، جب کہ رونالڈو نے یہ سنگ میل 39 سال اور 89 دن کی عمر میں حاصل کیا تھا۔اس کے علاوہ میسی نے 1،131 میچز میں یہ کارنامہ سرانجام دیا جبکہ رونالڈو نے 1,220 میچز میں۔
واضح رہے کہ میسی نے اسی ہفتے انٹر میامی کے ساتھ اپنا معاہدہ 2028 تک بڑھا لیا ہے، جبکہ رونالڈو نے بھی النصر کے ساتھ 2027 تک اپنی وابستگی میں توسیع کی ہے۔