ویب ڈیسک: وفاقی کابینہ میں نئے وزراء کو شامل کرلیا گیا ہے، اراکین نے حلف بھی اٹھالیا، حلف برداری کی تقریب ایوان صدر میں منعقد ہوئی، صدر مملکت آصف علی زرداری نے نئے اراکین سے حلف لیا۔
13 وفاقی وزرا اور 11 وزرائے مملکت کی حلف برداری کی تقریب ہوئی، تقریب میں حلف برداری کی تقریب میں وزیراعظم شہباز شریف، چیئرمین سینیٹ یوسف رضا گیلانی، خاتون اول آصفہ بھٹو زرداری بھی موجود تھے۔
حنیف عباسی، معین وٹو، مصطفیٰ کمال، سردار یوسف، اورنگزیب کچھی، رانا مبشر، رضا حیات ہراج اور طارق فضل چوہدری نے بھی بطور وفاقی وزیر حلف اٹھایا۔
انکے علاوہ علی پرویز ملک، شزا فاطمہ، جنید انور، خالد مگسی اور پیر عمران شاہ نے بھی بطور وفاقی وزیر حلف اٹھالیا۔
طلال چوہدری، بیرسٹر عقیل ملک، ملک رشید، ارمغان سبحانی، کھیئل داس کوہستانی، عبدالرحمان کانجو، بلال اظہر کیانی اور مختار بھرت نے بطور وزیر مملکت حلف اٹھایا، انکے علاوہ شزرا منصب، عون چوہدری، وجیہا قمر نے بھی بطور وزیر مملکت حلف اٹھالیا۔
وفاقی کابینہ میں وفاقی وزرا کی تعداد 31 ہوگئی، 13 وزرا مملکت بھی شامل ہیں۔